DIBATA SINJADIKEN MANUSIA
(Konfesi GBKP: Manusia)
Kejadin 2:7
ketika itulah TUHAN Allah membentuk manusia itu dari debu tanah dan menghembuskan nafas hidup ke dalam hidungnya; demikianlah manusia itu menjadi makhluk yang hidup.
Pengakun penandai kerna Dibata bage pe penandai kerna dirinta ras tinepa si deban penting banta selaku kalak si tek man Dibata. Erkiteken si e me gerejanta GBKP terus erbebe “secara kontekstual” nuriken pengakun kinitekenta si tersurat i bas Pengakuan Iman (Konfesi) GBKP. Menaken tahun 2016, Konfesi GBKP si enggo lit ibas gerejanta kenca itetapken i bas tahun 2015, terus sidiskusikenseh gundari. Janah bas minggu enda, salah sada i bas 16 Bab Konfesi nta e eme Bab IV kerna Manusia, jadi oraten sekaligus renungen i bas PJJ nta enda.
I bas Konfesi nta BAB IV MANUSIA, ikataken:
Kami percaya bahwa:
- Manusia adalah ciptaan Allah yang segambar dengan Allah, laki-laki dan perempuan dengan martabat yang sama (Kej. 1:26-27). Manusia diperlengkapi oleh Allah dengan hikmat dan akal budi serta dimahkotai dengan kemuliaan, hormat, dan kuasa (Mzm. 8:6-7).
- Manusia diciptakan dalam kesatuan tubuh, roh, dan jiwa yang harus dipelihara untuk kemuliaan Allah (Kej. 2:7; I Kor. 3:16, 6:17-20; I Tes. 5:23; Yak. 2:26).
- Manusia memiliki kehendak bebas dalam menanggapi anugerah Allah (bdk. Mat. 10:12-14).
- Manusia jatuh ke dalam dosa disebabkan ketidaktaatan dan keinginan menjadi sama dengan Allah (Kej. 3:1-24; Rm.5:12). Dalam keadaan berdosa, manusia tidak memiliki kemauan dan kemampuan untuk bertemu dengan Allah (Rm. 3:10-18; I Kor. 1:18-31), sehingga manusia menjadi seteru Allah yang layak mendapat hukuman kekal.
- Manusia dapat kembali bersekutu dengan Allah hanya melalui Jesus Kristus (Yoh. 14:6, 11:25, 3:16),
Sue ras tema PJJ nta “Dibata Si Njadiken Manusia”, arah konfesi nta Bab IV e fokus ta eme poin sipeduaken erpalasken ogenta Kejadin 2:7.
I bas Pustaka Si Badia, lit dua versi turi-turin kerna penciptaan sipemena i bas Kejadin 1:1-2:4a janah sipeduaken eme Kejadin 2:4b-25. Dua versi enda rehna i bas dua kelompok sinuratken si berbeda jaman. Salah sada perbedanna eme i bas versi sipemena (Kej.1:1-2:4a) manusia ijadiken Dibata sebage tinepa/mahluk si pepudi, sedangken i bas versi sipeduaken manusia me mahluk sipemena ijadiken Dibata. Si penting irenungken arah duana turi-turin Dibata nepa si nasa lit eme manusia e lit labo bage-bage saja tapi erkiteken lit si njadikenca eme Dibata. Manusia ijadiken Tuhan erpalasken peratenNa jine. Manusia ijadiken arah abu taneh (cakap Heber: adamah), i bas Kejadin 2:7, icidahken keterbatasen manusia sebage tinepa (ciptaan) si mbedakenca ras Dibata si Nepa (Pencipta) si la erbatas. Kata ‘ijadiken arah abu taneh’ situhuna nuduhken arah segi bentuk denga, tapi langa jadi manusia. Engkai, sabab langa lit isina abu taneh siibentuk Dibata e. Tapi kenca iembusken Dibata kesah kegeluhen ku bas igungna, emaka mulai me jelma ndai nggeluh. Ertina, adi la lit Kesah Dibata, manusia terjeng bentuk ngenca, tanpa isi. Adi la lit Kesah Dibata, manusia abu taneh ngenca: la ergegeh ras meteruk. Kesah Dibata e me kesah kegeluhen, ngubah abu taneh si kote ras nukah perper jadi tuhu-tuhu manusia, dem alu gegeh ras semangat kegeluhen.
Alu pengangkan enda, selaku manusia siijadiken Dibata, oratna sisembah Dibata tandana sisedari kita enda tinepaNa. Nine Augustinus, sekalak bapa gereja, “Ciptaan itu sifatnya fana atau tidak kekal tetapi Allah, Sang Pencipta adalah kekal, tidak pernah berubah. Oleh sebab itu hanya Allah di dalam Jesus Kristus yang layak kita sembah. Kesadaran manusia ialah untuk memujimu dan hati kami tidak akan menemukan damai sampai beristirahat dalamMu.” Sicibalkenlah geluhta alu tuhu-tuhu malang man Tuhan saja sabab IA sinjadiken kita emaka IA me ulu kegeluhenta. Ula min lit i bas kita kesempaten guna rukur ban kengasupen, kebeluhen, ntah ngaruhta nge maka kita nggeluh ras jore. Terlebih tupung erbage-bage perbeben si cukup mberat nderpa geluhta, tek dingen erpengendes kita man Tuhan saja si ngasup engkelini geluhta erkiteken Jesus Kristus kap Tuhan ras Juruselamatta. Adi kematen pe enggo italuken Jesus arah kekekenNa, tek kita ngasup ngalaken kerina perbeben geluh erkiteken kuasa siiberekenNa banta. Peteruklah dirinta i adepen Tuhan gelah Kesah Tuhan, Kesah Si Badia, si minpin pusuh peratenta tetap ersukuten baNa arah persadanta ras Tuhan subuk secara pribadi ntah pe keluarga bage pe arah kegiaten-kegiaten i tengah-tengah perpulungenta. Sehat pertendinta i bas persadan ras Tuhan, sehat ka me kula ras perukurenta. Nggeluh min kita alu ngergaken temanta manusia alu erpengakap maka kita seri, la siganjang teruhen sada ras si debanna. Bage pe selaku manusia siitepa Dibata alu akal pikiren, sibere dirinta ipake Tuhan lako njagai ras mpekena-kena tinepa si deban. Alu bage kegeluhenta manusia radu ras tinepa Dibata si deban, kerinana kita lit dingen nggeluh alu mehuli man kemulian gelar Tuhan saja.
EVALUASI :
Uga kerna aksi nta i bas minggu si lewat? Enggo me tambah kita ras isi jabuta ngoge Pustaka Si Badia teptep wari?
DISKUSI
1. Kuga nge kidekah enda pengangkanta kerna turi-turin kecibalta selaku manusia si nggeluh i doni enda adi ibandingken ras nas renungenta Kejadin 2:7 ndai? Turiken!
2. Kai nge si arus silakoken tanda pengataken bujurta man Tuhan, erkiteken Dibata sinjadiken kita?
AKSI
Er-Paksa Teneng (Saat Teduh) dingen ngikuti kerina kegiaten perpulungen alu ratur ras disiplin ras isi jabuta.
USULEN LAGU
- KEE GBKP No. 374:1-3
- KEE GBKP No. 201:1,2
- KEE GBKP No. 279:1-4
- KEE GBKP No. 187:1,3
Pdt. Theodosius Keliat, M.Th.