Tanggal 16 – 22 Pebruari 2020
TURIKEN ALU TANGKAS
Lukas 1:1-4
(DASAR TEOLOGI TI)
1:1 Teofilus yang mulia, Banyak orang telah berusaha menyusun suatu berita tentang peristiwa-peristiwa yang telah terjadi di antara kita, 1:2 seperti yang disampaikan kepada kita oleh mereka, yang dari semula adalah saksi mata dan pelayan Firman. 1:3 Karena itu, setelah aku menyelidiki segala peristiwa itu dengan seksama dari asal mulanya, aku mengambil keputusan untuk membukukannya dengan teratur bagimu, 1:4 supaya engkau dapat mengetahui, bahwa segala sesuatu yang diajarkan kepadamu sungguh benar.
Teknologi e me keperlun manusia. Bena-benana nari i bas Padan Si Ndekah e me Kitab Kejadın ituriken man banta kerna pemaken teknologi arah sinursur Kain nari (Kej. 4). I bas Padan Si Mbaru pe ituriken pe pemaken teknologi enda guna nampati i bas meritaken Berita Si Meriah e me alu surat. Seh i bas paksa enda pe teknologi tetap reh majuna janah ipake i bas kegeluhen manusia.
I bas kata perlebe kitab Lukas, nuratken ras mpertanggungjababken kebenaren kerna Berita Si Meriah Jesus Kristus alu ratur ras runut (1:3). Tulisenna erpalasken pengamaten kerna “fakta-fakta sejarah”, bage pe i bas saksi mata si nggeluh denga paksa sie (1:2). Dua syarat i bas tulisenna nuriken peristiwa si nyata, eme: pemena, litna saksi mata, ras peduaken, enggo ilakoken penelitian alu seksama. Lit pe tujun Lukas nuratken kitab enda, segelah Teopilus (1:1) ras kerina singoge suratna tek kerna kebenaren siiajarken i bas kitab e. Kebenaren siituriken Lukas, erpalasken kubas kinatana (realita) ras sejarah, labo turi-turin si la tuhu. Jesus tuhu-tuhu nggeluh, ngajar, ngelakoken tanda sengget (mujizat), mate ras keke i bas simate nari, ras kerina e tuhu-tuhu terjadi. Tujun si deban eme, segelah kiniteken Teopilus tetap paguh ras lanai erbanca kalak si deban ndatken berita silapayo kerna Jesus. Alu bage ia tetap tek ras pe kinitekenna tetap reh belinna i bas Tuhan. Seterusna tulisen enda jadi erta siterus ijaga kemurninna ras isehken man kerina kalak si tek, seh ku kesusuren seterusna.
I bas jamanta enda, kita ibabai tetap makeken kesempaten alu mehuli guna naksiken Jesus Kristus. Salah sadana eme makeken teknologi informasi. I bas film sosial Network banci siidah Mark Zuckerberg ras teman-temanna erusaha memperluas lingkaren informasi. Jaringen pertemanen lanai terjeng i bas Harvard University, tapi menyebar ku kerina doni enda. Teptep kalak terlibat i bas sosial networking enda ngenanami pengalamen nyata kerna pertukaren informasi arah internet. Kerina enda nuduhken man banta perubahen cara nggeluh manusia pedas kel.
I tengah meterna perkembangan teknologi informasi, doni enda teridah reh kitikna, erkiteken sada ras si debanna terkoneksi (erkawiten). Litna informasi teknologi mabai kita reh mesunahna ndatken informasi subuk i bas bisnis, pendidiken, budaya, politik bage pe pelayanen. I bas jaman teknologi informasi (digital), selaku gereja tentuna kita ndatken sada kesempaten lako masuk kubas ruang-ruang publik i das. Genduari kita mengketi teknologi informasi digital “Revolution 4.0”. Enda tentuna arus sijabab alu serius ras isikapi secara positif ras kreatif. Gereja tentuna arus nangkap peluang Teknologi Informasi alu tujun lako ngembangken pelayanen Gerejanta (Digital ministri), subuk i bas ibadah bage pe perdalanen organisasi, daftar anggota (statistik ngawan), surat-surat ras si debanna.
Adi siperdiateken tahun Gerejanta 2020, “Meningkatkan kemampuan warga GBKP dalam pengelolaan informasi dan keterampilan dalam penggunaan teknologi informasi” arah acuan tahun gerejanta enda tentuna kita reh dewasana i bas makeken teknologi. Megati kita salah makeken teknologi e. Francis Scheffer nuriken maka lit dua sijadi tanda i bas jaman enda eme ledaken ilmu ras pe teknologi bage pe kehancuren moral, duana enda erkawiten. Perkembangen teknologi megati ngubah nilai moral manusia ras masyarakat secara drastis. Perayaken manusia kerna teknologi erbanca manusia reh belinna akapna bana sementara Dibata reh kitikna. Adi siidah lit nge pengaruh positif ras negatif i bas teknologi enda. Contoh positif, hp, gadget, android, banci ngubungken kita alu pedas, banci jadi alat guna peningkaten pemasaren barangta, banci kita erlajar subuk bidang ekonomi, politik, agama, ras si debanna. Dampar si deban ulih negatifna eme jadi alat pebelang berita si la tuhu (hoaks), sitokohen, mabai la setia man teman nggeluh ras si debanna. Arusna reh ulina teknologi reh ulina geluh manusia.
I bas kemajun teknologi, Dibata tetap nge si ngkuasai kerina akal budi manusia. Emaka Dibata pe erkuasa nandangi teknologi. Em sababna selaku kalak Kristen kita idilo makeken teknologi alu mehuli guna nehken si ngena ate Dibata.
EVALUASI
Enggo nge sidalanken ras mari situriken kerna aksinta minggu silewat.
DISKUSI
1. Kai nge siakap hubungenna Berita Si Meriah ras teknologi?
2. Kai nge siakap tujun Dibata mereken teknologi man manusia?
AKSI :
I bas aksi minggu enda cuba si smsken sada ayat emas man teman-temanta bage pe keluarganta. Entah erban status FB si erkawiten ras kiniteken.
USULEN LAGU :
- KEE GBKP No. 209:1,2,3
- KEE GBKP No. 295:1-3
- KEE GBKP No. 15:1,2
- KEE GBKP No. 212:1,5
TOPIK PERTOTON SYAFAAT.
- Gelah kita tetap erberita kerna Kata Dibata man sekelewetta.
- Ertoto kita kerna kerina kalak silenga nandai Dibata bage pesienggo tetap nandai Dibata arah kesaksin Pustaka si Badia.
- Si turah i bas perpulungen.
Pdt. Walder Mazmur Ginting, S.Th.
Sermon Online dari Moderamen