ANAK SI PENTAR KERIAHEN ORANGTUA
KUAN-KUANEN 23:13-16
(HUT KAKR)
23:13 Jangan menolak didikan dari anakmu ia tidak akan mati kalau engkau memukulnya dengan rotan.
23:14 Engkau memukulnya dengan rotan, tetapi engkau menyelamatkan nyawanya dari dunia orang mati.
23:15 Hai anakku, jika hatimu bijak, hatiku juga bersukacita.
23:16 Jiwaku bersukaria, kalau bibirmu mengatakan yang jujur.
“Belajarlah dari penunggang kuda pada saat perlombaan balap kuda. Si penunggang (joki) akan memukul kudanya itu agar lebih cepat berlari dan dapat menjadi juara. Tapi, jika si joki memukul kudanya sembarangan dan tanpa tujuan yang jelas, kudanya akan berontak dan akibatnya justru si kuda akan ngambek dan tidak mau lari atau lari sembarangan bukan ke tujuan.”
Kerina orang tua ngarapken gelah min anakna pentar, emaka melala cara ilakoken orangtua guna nehi sura-surana e. Anak si pentar tuhu-tuhu kal jadi keriahen, kehamaten, kesangapen man orangtuana. Kuga ndia iban carana gelah banci min anakta pentar? Adi sipedomani kai si ituriken bahanta wari enda, tempa lit 2 hal siertentangen; nina bahanta, orangtua arus mekpek anak ibas ndidiksa (indo: pukulan tongkat), sementara UU perlindungen anak ngataken maka labo banci ilakoken kekerasen nandangi anak. Kuga enda banci sipersada?
Adi sipelajari isi pesan bahanta enda eme “ngajarken disiplin” nandangi anak. Termasuk pe “pukulan rotan” iertiken sebage gambaren disiplin. Anak si ngelanggar perentah Tuhan arus ididik alu tegas mulai kitik nari, sebab adi lang, banci erbahanca anak e nilah i bas dalan Dibata nari. Banci sibandingken ras anak imam Eli, si la ididikna alu tegas; erbahanca anakna e nggeluh rate-ate seh maka Dibata pe la ia mbiar padahal ia imam. Kinilahamaten anak Eli man Tuhan erbahanca ia mate (bdk. 1 Sam 2:12-17). Ngidah si bagenda rupana me maka penulis kitab Kuan-Kuanen ngingetken orang tua gelah disiplin man anak-anakna. Madin me make “tongkat” i bas ndidiksa gelah ia erdalin i bas dalan si benar asangken ia mate (nggeluh ku dalan kematen). Nina Martin Luther selain alu tongkat, perlu ka nge isediaken apel guna ibereken man anak tupung ia ngelakoken si mehuli. Pendidikan siilakoken orangtua eme erpalasken perentah Dibata siniiperlajarina, alu bage orang tua pe tetap arus erlajar gelah ietehna kai si arus ilokenkenna nandangi anakna.
I bas buku Pengajaren Kristen Fundamental mereken 3 alasen engkai maka orangtua arus ndidik anakna alu tegas eme:
- Enggo lit biak dosa i bas anak, janah e mabai anak bengket ku dalan si la ngena ate Dibata, emaka orangtua arus ndidik anakna alu tegas.
- Adi anak la disiplin maka ia erdalan kempak kematen
- Ulih anak si nggeluh alu disiplin maka anak e jadi keriahen nangangi orangtua, terkelin i doni ras i surga.
Muhadjir Efendy eme Menteri Pendidiken ras Budaya ngataken maka pendidiken ras nilai-nilai si mehuli siisuanken nangdangi anak arus tegas, tapi ula min seh mekpekisa. Pendidiken tegas si imaksudken eme tutus, ula mis isangkut pautken ras HAM. Ula kari erkiteken alasen keleng ate ras HAM jadina pendidiken man anak e jadi medate la erturi-turin. Ikatakenna maka pendidiken tegas e erbahanca maka anak tahan banting, dingen ngajari ia rukur kerna masa depan. Si terjadi labo erkiteken keleng ate, tapi erkiteken emosi si la terkendaliken orangtua/guru emaka terjadi kekerasen fisik nandangi anak, jenari ibalbali alu la erturi-turin; didiken si enda erbahanca anak la tandaina dirina, turah luka batin, lit ukur guna neruskenca man kalak si deban (anakna pe pagi bage ka ibanna).
Alu bage banci siidah maka secara tujun, Pustaka si Badia sendalanen ras pendidiken bagepe HAM anak. Situhuna kerina aturen e tujunna gelah min anak e banci nggeluh alu disiplin, terarah dingen maksimal. Anak si bagenda me siikataken pentar. Guna banci bage, arus ilakoken pendidikan si tegas si banci mabai ia ku keselamaten i doni ras i surga. Adi bage kuga dage si ban sipayona gelah banci min anakta jadi keriahen man banta erkiteken kepentarenna? Kerna pendidiken anak enda perlu kal kita rukur gelah banci pentari bas mereken pendidiken man bana. Kita arus leben meteh kuga pentingna pengajaren e, jenari ngajarkenca alu disiplin mulai ibas bertin nari. Adi cara pengajaren e tepat dingen siikuti alu disiplin banci jadi labo kita perlu make “tongkat” ibas ndidiksa. Simekatep jadi, ninta ndidik anakta padahal terjeng merawa-rawa saja erkiteken kesalahen sibahanna. Kurang pengarahen i bas kita nari emaka kenca itehna si hajat maka sikataken si benar, tentu talu me kebenaren e. Emaka sibenakenlah ngajari anakata alu disiplin (la ersunggung), sibahan pengajaren e teptep wari; bani arah arih-arih ibas jabu, ngogeken Pustaka, kebaktin i bas jabu. Banci ka nge sibereken pendidiken man anka arah muat bagin ibas dahin-dahin gereja, sekolah, dahin rumah, ras sidebanna. Mekatep kal kesibukenta si ban jadi alasenta maka la sididik anakata alu ratur, padahal memang arus kin si litken waktunta guna mereken pendidiken e. Ula kita lupa maka kerihan orangtua eme anakna pentar, emaka mbuelah sibereken perhatianta ku je gelah seh sura-suranta sabab anakta eme si jadi masa depan jabu ras gerejanta.
EVALUASi
Nggo nge sitotoken pelaksanaan Pemilu i tengah-tengah negaranta?
DISKUSI
- Kuga nge pendidiken si sedekah enda silakoken nandangi anak-kempunta?
- Kuga ka ateta pendidiken siilakoken kita man anak-kemputa ku wari si reh enda?
AKSI
Banlah sada aksi i bas PJJ nta enda guna HUT KAKR sue ras keperlunna.
USULEN LAGU
- KEE GBKP NO 124:2
- KEE GBKP NO 482 : 1
- KEE GBKP NO 249 : 1,3
- KEE GBKP NO 204 : 1
Pdt. Liza Selivna br. Tarigan, S.Th