PEPAYOLAH SURA-SURA RAS PERUKURENKU
(MASMUR 26:1-3)
Doa mohon dibenarkan oleh TUHAN
26:1 Dari Daud. Berilah keadilan kepadaku, ya TUHAN, sebab aku telah hidup dalam ketulusan; kepada TUHAN aku percaya dengan tidak ragu-ragu.
26:2 Ujilah aku, ya TUHAN, dan cobalah aku; selidikilah batinku dan hatiku.
26:3 Sebab mataku tertuju pada kasih setia-Mu, dan aku hidup dalam kebenaran-Mu.
Enterem manusia la nggit terbuka. Maksudna eme iusahakenna geluhna la ieteh dingen itandai kalak uga situhuna. Ulih kalak sibla terbuka kecibalna erbage bage. Lit kedungenna ia jadi persinik. Persinik ia sebab ijagana ula terturkenca si la akapna perlu ieteh kalak si deban. Lit deba nutupi dirina alu kepalsun. I cidahkenna dirina labo uga ia situhuna, tapi enggo dem alu penipun. Kecibal si bagenda labo mbaba kinkulin ibas kegeluhen manusia. Salah sada tambar si mehuli ibas cara rukur (psikologi) eme nggeluh terbuka.
Keterbukaan Daud man Dibata ibas ende-enden enda jadi sada tambar man bana. Pang ia nuriken pusuhna uga situhuna si igejapkenna man Tuhan. Tupung igejapna ia ndatken kelaadilen ibas geluhna ituriken alu nuratken ibas ende-enden pertendinna man Tuhan. Kai si jadi man bana la akapna patut terjadi. Labo enda ngataken maka ia meganjang rukur sebab ibas masmur 51,tupung ia erdosa,ngaku ia alu terbuka i adapen Dibata. Jadi Daud biakna pang ia nuriken uga isi pusuhna situhuna. La ibuni-bunikenna dirina. La ia tertutup. Keterbukaan nuriken isi pusuh ras kegeluhen man Dibata, jadi sada tambar ibas kegeluhen.
Lit paksana la akapna adil si jadi man bana. Ietehna simehulia ialokenna. Tapi sinanamina la bagi si alokenna. Kecibal enda labo erbanca surut ia erpengarapenman Tuhan. Justru Dibata si arapkenna ncidahken keadilen situhuna. Erdandanken si e maka nina, “Aku erpengarapen man bandu saja Tuhan,la sitik ukurku monce once” ertina pusuhna la bera bera ernalem man Tuhan anem gia labo bagi siukurina jabi ibas kegeluhen enda. Tapi ibas ukurna ernalem man Tuhan, ijagana gelah ula ndabuh ku bas kesalahen. Erdandanken si e maka nina, “ujilah aku, pepayolah, o Tuhan pereksalah sura sura ras perukurenku.” Dua dampar penggejapen Daud ijenda. Sipemena, ijagana helah ila sempat ia mganjang rukur (merasa benar sendiri). Peduaken encidahken kinicihon pusuhna gelah igargari Tuhan. Kunci gegeh Daud eme keleg ate Tuhan (kasih setia Tuhan) Keleng ate Tuhan enda me sipengasup ia nimai keadilen Tuhan ras tetap ndalanken kebenaren ibas geluhna.
Kita pe mehuli adi terbuka ibas kegeluhen enda. Salah sada pi akit si banci engkenai kita eme adibkita tertutup. Melala perbeben ibas pusuhta, la kita nggit nurikenca. Perbeben si la ituriken banci jadi pinakit. Lalap ia ngutkut ibas pusuh, sedak ras nepcep nanamna. Ku ise turiken? Adi la sikap nurikenca man temanta maka bagi Daud, situriken man Dibata. Ibas pertotonta tungkasken isi pusuhta man bana. Ula buni-buniken janah kataken uga situhuna isi pusuh ras penggejapenta man bana. Banci jadi, kai si jadi man banta la siakap adi turiken man Dibata. Janah banci lit paksana Dibata e jine pe siakap la adil, la prelu tutup-tutupi isi pusuhta kataken ibas pertotonta baNa. Ibas paksana maka sieteh kedungenna keadilen si cidahken Tuhna man banta.
Ibas keterbukannta man Tuhan, kita pe terbuka guna ipepayiNa. Pepayo ije eme kinigitenta i periksaIselidiki,ikoreksi Tuhan). Enda ncidahken kinituriken ukurta elah ula sempat payo siakap banta padahal enggo lepak. Pemindon enda pe lit ituriken Daud ibas Masmur 139:23-24,”Pepayolah aku o Dibata, tandailah pusuhku, uji dingen datekenlah perukurenku. Pepayolah ntah mawen lepak dalan si kudalani, jenari babilah aku arah dalan si tetap rasa laalap” Kalak si meganjang rukur la nggit i pepayo sebab payo akapna mab bana. Malah ia akapna sipayona. Biak si bagenda la ngena ate Tuhan. Mehuli kal adi teptep wari nggit kita mperhadapken dirinta gelah i pepayo Tuhan. Kai si banci mpepayo sura-sura ras perukurenta gendurari? Eme Pusataka Si Badia. Tupung kita ngoge Pustaka SI Badia ije enggo ipepayo Dibata sura-sra ras perukurenta. Arah Pustaka Si Badia ituduhken Dibata dalan si man dalanenta. Seh maka la kita lalar anem melala serpang si man dalanen ibas kegeluhen enda.
EVALUASI
Uga aksita ibas minggu si enggo lepas?
DISKUSI
- Kai nge siakapa ulihna adi melala perbeben ibas pusuhta janah la kita nggit nurikenca man teman entah mand Dibata?
- Maka nggit kita i pepayo Tuhan sada dampar eme erkiteken meteruk ukur. Uga kin carana maka banci kita meteruk ukur?
AKSI
Erlajar kita sada minggu enda ibas pertotonta man Tuhan turiken alu tekas kai si sedekah enda sibuni-buniken entah langa pernah si kataken man baNa.
USULEN LAGU
- KEE GBKP NO: 374:1-3
- KEE GBKP NO: 384:1-2
- KEE GBKP NO: 417
- KEE GBKP NO: 445:1-3
Pdt. Yunus Bangun, M.Th