Paguh Ngalaken Mara
(Job 1:13-22)
1:13 Pada suatu hari, ketika anak-anaknya yang lelaki dan yang perempuan makan-makan dan minum anggur di rumah saudara mereka yang sulung,
1:14 datanglah seorang pesuruh kepada Ayub dan berkata: “Sedang lembu sapi membajak dan keledai-keledai betina makan rumput di sebelahnya,
1:15 datanglah orang-orang Syeba menyerang dan merampasnya serta memukul penjaganya dengan mata pedang. Hanya aku sendiri yang luput, sehingga dapat memberitahukan hal itu kepada tuan.”
1:16 Sementara orang itu berbicara, datanglah orang lain dan berkata: “Api telah menyambar dari langit dan membakar serta memakan habis kambing domba dan penjaga-penjaga. Hanya aku sendiri yang luput, sehingga dapat memberitahukan hal itu kepada tuan.”
1:17 Sementara orang itu berbicara, datanglah orang lain dan berkata: “Orang-orang Kasdim membentuk tiga pasukan, lalu menyerbu unta-unta dan merampasnya serta memukul penjaganya dengan mata pedang. Hanya aku sendiri yang luput, sehingga dapat memberitahukan hal itu kepada tuan.”
1:18 Sementara orang itu berbicara, datanglah orang lain dan berkata: “Anak-anak tuan yang lelaki dan yang perempuan sedang makan-makan dan minum anggur di rumah saudara mereka yang sulung,
1:19 maka tiba-tiba angin ribut bertiup dari seberang padang gurun; rumah itu dilandanya pada empat penjurunya dan roboh menimpa orang-orang muda itu, sehingga mereka mati. Hanya aku sendiri yang luput, sehingga dapat memberitahukan hal itu kepada tuan.”
1:20 Maka berdirilah Ayub, lalu mengoyak jubahnya, dan mencukur kepalanya, kemudian sujudlah ia dan menyembah, 1:21 katanya: “Dengan telanjang aku keluar dari kandungan ibuku, dengan telanjang juga aku akan kembali ke dalamnya. TUHAN yang memberi, TUHAN yang mengambil, terpujilah nama TUHAN!”
1:22 Dalam kesemuanya itu Ayub tidak berbuat dosa dan tidak menuduh Allah berbuat yang kurang patut.
Seh asa genduari langa bo ngadi terbedi berita kerna litna bencana ibas piga-piga daerah, subuk i Indonesia bagepe ibas negara-negara sideban (luar negeri). Bencana alam (Inggris: Natural Disaster) eme sada peristiwa laam si mengakibatkan dampak si mbelin nandangi kegeluhen manusia. Adi peristiwa alami banci arah banjir, letusen gunung, gempa bumi (linur), kelegon ras sidebanna. Tapi banci ka si terjadi la arah peristiwa alami, umpaman: kelihen (kelaparan) ibas sada-sada daerah, pinakit si ngkenai manusia tah rubia-rubia ras sidebanna.
Arah rehna bencana kubas kegeluhenta, banci peturah erbage-bage perukuren ras pengakap. Adi sinuria ope denga agama lit, rehna bencana banci ikatakten kena “mara” (tema). Rehna mara banci erkiteken lit merawa, lit perbahanen si lepak ilakoken masyarakat. Adi bage kenca si terjadi, maka masyarakat si mengalami bencana e alu ras-ras erbahan upacara ritual (ercibal), alu cara-cara siniturken kalak “si beluh”.
Si jadi penungkunenta genduari, kenca agama reh ku tengah-tengah kegeluhenta, lit denga nge masyarakat si ngelakoken perbahanen-perbahanen sibagenda dikune kenca reh bencana kubas kegeluhenta? Uga nge carana kita menanggapi dikune kenca reh si la bagi ukurta e engkenai kegeluhen enda?
Mari sicubaken erlajar arah kegeluhen si Job ibas ia ngalaken erbage-bage tantangen ras persoalen ibas kegeluhen jabuna. Job sekalak kalak si bayak, la terjeng bayak ibas erta erkiteken mbue asuh-asuhen ras suruh-suruhenna, tapi pe bayak ibas kiniteken. Teridah arah perbahanenna si mehuli ras lalit perbahanenna si jahat (1:1). Tapi tutus erkemalangen man Dibata ras kalak mehuli, labo jaminen maka sekalak jelma la jumpa perbeben. Bahkan kai si ialami Job rumput-umput desken kuan-kuan Karo.
Bagi ketam-ketam pa sule, langa dung ketamen e, enggo ka reh si man puyuhen. Langa dung tangkelen e, enggo ka reh si man ukuren.
Sangana anak-anak Job erpesta, reh sekalak suruh-suruhenna ngataken maka kalak Seba nerang suruh-suruhenna ras ngerampas erta-ertana, jenari reh ka kalak ngataken maka biri-biri ras permakanna mate idumpang perkas, langa ka dung berita si ndai reh ka kalak erberita maka unta untana irampas gerombolen ras suruh-suruhenna pe ibunuh. Tentu si paling mberat ka berita si perpudi, ija sanga anak-anakna erpesta i rumah anakna sintua reh nagin meter, rumah runtuh ndumpang anak-anakna ndai ras mater kerina. Enda me bencana si lar biasa; ibas sengkemirep mata keri kerina.
Banci sibayangken, bicara kejadian sibagenda terjadi kubas kegeluhen jabuta ibas paksa genduari, tentu lanai bo langlang latihna siakap ngukurisa. Banci saja pe mehado kita ibahanna. Tapi kai si ilakoken Jon? Tentu secara manusia labo terbuniken kegogon atena, emaka icaingkenna uisa tanda atena ceda. Tapi sada pengakun si banci gelemen man banta ibas ayat 21: “Kadeku pe lali asum aku tubuh nai, mate pe aku lapadah lit kadeku pe. Tuhan nai si merekenca, genduai enggo ka ibuatna. Terpujilah gelaNa.” Ijenda me icidahkenna kualitas kinitekanna, maka ibas paksa si cukup mberat pe labo idaramina gegeh-gegeh sideban, ras si pentingna la isalahkenna Dibata (ayat 22).
Piga-piga tahun si enggo lewat paksa terjadi piga-piga kali linur (gempa) khususna i daerah Sumtera Utara, mbue ka nge masyarakat (khususna kalak Karo) erbahan tindaken-tindaken diluar nilai-nilai kiniteken (banci saja lit ka nge anggota GBKP). Lit deba namaken kapur ku cupingna, adi isungkun ikataken me anti linur. Piga-piga daerah i Taneh Karo iarusken ka nggule kaperas, gelah ula nari kena mara. Tapi secara positif na lit ka nge si terjadi, ija piga-piga gereja lanai siat ingan kebaktian erkiteken enterem si ku gereja. Tapi ngadi liur, mis ka urak kalak si nembah Dibata.
Erupsi gunung Sinabung i Taneh Karo pe pe empeturah erbage-bage persoalen. Masyrakat arus nadingken kuta, ingan erjuma pe lanai lit erkiteken enggo ceda ibahan abu vulkanik. Masalah-masalah sosial pe turah, kemusiken, anak-anak pe terganggu persekolahenna, langa ka ingan tading pe langan erkedungan icakapken. Seh tahun 2017, enterem denga masyaarakat si terdampak Sinabung tading denga I posko-poska pengungsin. Ibas situasi sibagenda me selaku anak-anak Tuhan perlu encidahken kualitas kiniteken bagi si ilakoken Job. Pengakun ras tidnaken Job ibas ngalaken perbeben si mberat banci jadi contoh si mehuli man banta. La idaramina gegeh-gegeh sideban, la isalahken Tuhan, tapi tetap ia paguh.
Adi sioge seh ku kedungenna kisah Job, jelas sieteh maka ulih kinigenggenna ibereken Dibata mulihi kai si bene ndube. Tentu e pe jadi arapenta, ulih kinigenggennta pasti lit si terulin dungna pagi sidat ibereken Dibata, aminna mberat gia siakap genduari ibas ngalaken erbage-erbage bencana sirah nderpa kegeluhenta.
EvaluasI:
Kuga pendalenkenta kerna aksi PJJta ibas minggu si lewat? Lit nge ndia tantangen, ras uga nge ulihna?
Aksi:
Sitotoken Unit Penanggulangan Bencana gelah megeh ibas ngelai.
Diskusi:
- Kai nge si idah si mehuli ibas Jib paksa ngalaken perbeben si mberat enda?
- Uga ka kita ibas ngalaken erbage-bage perbeben ibas paksa genduari?
Usulen Lagu:
- KEE GBKP NO: 63:1-3
- KEE GBKP NO: 280:1,3
- KEE GBKP NO: 324:1,2
- KEE GBKP NO: 82:1,2