BUDAYA DALAN NEHKEN BERITA SI MERIAH
(1 KORINTUS 9:19-23)
9:19 Sungguhpun aku bebas terhadap semua orang, aku menjadikan diriku hamba dari semua orang, supaya aku boleh memenangkan sebanyak mungkin orang.
9:20 Demikianlah bagi orang Yahudi aku menjadi seperti orang Yahudi, supaya aku memenangkan orang-orang Yahudi. Bagi orang-orang yang hidup di bawah hukum Taurat aku menjadi seperti orang yang hidup di bawah hukum Taurat, sekalipun aku sendiri tidak hidup di bawah hukum Taurat, supaya aku dapat memenangkan mereka yang hidup di bawah hukum Taurat.
9:21 Bagi orang-orang yang tidak hidup di bawah hukum Taurat aku menjadi seperti orang yang tidak hidup di bawah hukum Taurat, sekalipun aku tidak hidup di luar hukum Allah, karena aku hidup di bawah hukum Kristus, supaya aku dapat memenangkan mereka yang tidak hidup di bawah hukum Taurat.
9:22 Bagi orang-orang yang lemah aku menjadi seperti orang yang lemah, supaya aku dapat menyelamatkan mereka yang lemah. Bagi semua orang aku telah menjadi segala-galanya, supaya aku sedapat mungkin memenangkan beberapa orang dari antara mereka.
9:23 Segala sesuatu ini aku lakukan karena Injil, supaya aku mendapat bagian dalamnya.
“Tapi kujadiken diringku jadi budak nandangi kerina jelma gelah enterem kalak data aku guna Kristus” 1 Korintus 9:19B)
Paulus nuriken tangung jawabna selaku perBerita Si Meriah. Janah e enggo jadi kearusen man bana, sebab ia enggo leben ngaloken keselamatan bas Kristus nari. Rutang pusuhna gelah enterem min kalak ngaloken Kristus. Guna sie ijadikenna dirina budak man enterem jelma. Budak labo mehaga, tapi arah pendahina kalak si deban banci jadi mehaga.
Ibas budaya Jahudi, kecibal budak e me simeterukna i bas status sosial masyarakatna. Biasana simeterukna nge singelai atasenna. Paulus nggit mpeteruk bana ras la mehaga gelah enterem kalak mehaga ilebe-lebe Kristus. Enggo tentu usihenna eme Jesus Kristus si nggit mpeteruk banNa murihi nahe murid-muridNa. Ijadiken Paulus dirina simeterukna gelah banci ielaina enterem jelma.
Cara Paulus i bas nehken Berita Si Meriah eme nggit ngaloken kalak si deban uga ia litna. Adi ras kalak Jahudi, bagi kalak Jahudi ia, adi ras kalak Junani, bagi kalak Junani ia, adi ras kalak si merampek kinitekenna, bage ka ia. Ertina, la ipaksakenna gelah kerina bangsa jadi kalak Jahudi, entah bagi kalak Junanim entah bagi ia. Paulus ngergaken budaya si lit bas pelayanenna, sebab igejapna maka teptep bangsa lit nge kebiasanna si la seri ras bangsa si deban. budaya si la seri eme e jadi dalan man Paulus i bas nehken Berita Si Meriah.
Rusur si begi kuan-kuan “Lain lubuk, lain ikannya, lain padang lain belalangnya”, ertina lain suku lain ka budayana. Kecibal ingan tading ras situasi alam mbelin kalak ngaruhna ku bas budaya sada-sada suku. Subuk i bas pendahin, pengerana/bahasa, peruis, peradaten, agama ras sidebanna. Umpamana kalak si tading i daerah dataran tinggi, cocok erjuma. Adi kalak si tanding i dataren rendah cocok jadi nelayan. Tentu perkakas siniperluken guna erdahin pe la seri, waktu erdahin pe la seri, ulih pendahin pe la seri. Ugapape lit nge budaya si khusus ibas teptep ingan, kuta ntah suku si la lit ibas ingan si deban. Si jadi persinget man banta, ngasup min ngergaken budaya si lit bas suku si deban nari.
Adi si tulihken ku bas perdalinen Berita Si Meriah man kalak karo, salah sada dalanna eme arah budaya. Pandita-pandita si iutus NZG ku taneh Karo erlajar bahasa Karo, pertuturen kalak Karo, uga cara eruis kalak Karo, emaka nora-norana erlajar ertudung ras erbelo, ipelajarina uga cara erdahin kalak Karo, ras agama kalak Karo. Pustaka Si Badia pe iterjemahken ku bahasa Karo. Ibas kebaktin-kebaktianta, si pake alat musik Karo, lagu siniendeken enggo melala bernuansa Karo. ibas persidangen gerejanta sipake budaya runggu, budaya kalak Karo, arih-arih ras kerina sangkep nggeluh, sukut, kalimbubu ras anak beru jadi persukuten i bas muat keputusen.
Adi sipelajari arah kuan-kuan kalak Karo maka kalak Karo enda erngena ate kubas perdamen. Umpamana purpursage, ertin erdame. Adit lit turah perjengilen si erbahanna la siangkan ersenina-erturang ntah erteman, emaka lit keluarga entah anak beru runggu gelah ilakoken purpursage alu maba cimpa ras nakan tasak ku rumah kalimbubu. Emaka ije arih-arih (berdialog) ras sialem-alemen gelah enggo ka siperiahen mulihken. Tupung lit kekurangen i bas sukut tupung erkerja entah sakit, lit kuan-kuan Karo ngeripe, ertina muat bagin nampati sukur si kekurangen. Ras e la perlu iuluhken. Jadi kalak Karo enggo erdiakonia man seninana.
Kepeken budaya karo e seh mehulina jadi dalan nehken Berita Si Meriah, alu rende, alu landek, erdidong doah, kerina e banci si isi alu kata Dibata. Bagi si ibahan Paulus, ipakena budaya nehken kata Dibata, gelah perpulungen si ilayanina la sipandang punjuten, banci arih-arih, ngasup ngaloken temanta uga ia litna. Ermeteruk ukur ibas erberita, nggit jadi budak man kerina jelma. Tujunta erberita eme gelah enterem kalak ngaloken keselamaten ibas Kristus nari.
EVALUASI
Uga pendalankenta kerna aksinta minggu si lewat?
DISKUSI
1. Karakter si uga nge si perlu si usih ibas Paulus, maka nggit ia jadi budak nandangi temanna? Janah kai tantangen si ihadapaina?
2. Berekenlah contoh-contoh arah budaya karo kita banci nehken Berita si Meriah?
AKSI
Sipepulung kuan-kuan Karo, asa si inget kita janah ban ertina. Emaka si pake kuan-kuan e nehken Berita Si Meriah. Umpamana, rawin jemba kita rukur, ertina nggit ka kita ngukuri ukur temanta, la kita kel ngenca siukuri, seh maka nggit kita surut, dungna la turah pejengilen. Silakokenlah!
USULEN LAGU
1. KEE GBKP NO: 313:1-2
2. KEE GBKP NO: 257:1,2,6
3. KEE GBKP NO: 400:1-3
4. KEE GBKP NO:295:1-3
Pdt. Nurbety br. Ginting M.Th