TUTUS ERTOTO NIMAI PADAN DIBATA
(KISAH PARA RASUL 1:1-5,14)
1:1 Hai Teofilus, dalam bukuku yang pertama aku menulis tentang segala sesuatu yang dikerjakan dan diajarkan Yesus,
1:2 sampai pada hari Ia terangkat. Sebelum itu Ia telah memberi perintah-Nya oleh Roh Kudus kepada rasul-rasul yang dipilih-Nya.
1:3 Kepada mereka Ia menunjukkan diri-Nya setelah penderitaan-Nya selesai, dan dengan banyak tanda Ia membuktikan, bahwa Ia hidup. Sebab selama empat puluh hari Ia berulang-ulang menampakkan diri dan berbicara kepada mereka tentang Kerajaan Allah.
1:4 Pada suatu hari ketika Ia makan bersama-sama dengan mereka, Ia melarang mereka meninggalkan Yerusalem, dan menyuruh mereka tinggal di situ menantikan janji Bapa, yang — demikian kata-Nya — “telah kamu dengar dari pada-Ku.
1:5 Sebab Yohanes membaptis dengan air, tetapi tidak lama lagi kamu akan dibaptis dengan Roh Kudus.”
1:14 Mereka semua bertekun dengan sehati dalam doa bersama-sama, dengan beberapa perempuan serta Maria, ibu Yesus, dan dengan saudara-saudaraYesus.
Nimai eme sada dahin si membosanken, engkai? Mawen la sieteh kai arus silakoken bas nimai e. Misalna: nimai kalak si sangana belanja, nimai anak mulih sekolah bagepe nimai kerehen kalak ibas ingan si ndauh nari i bandara, apai pesawatna ‘mengalami penundaan’. Nterem ka nge kalak si nimai e jadina jungut-jungut bagepe lit ka nge lanai setia janah ndahinken dahin e. Situthuna alu nimai lit dampak/hal penting si berkembang ibas dirinta, eme ngelatih kesabarenta bagepe mpebelin pengarapen bas perukurunta.
Perentah Tuhan Jesus nandangi ajar-ajarNa gelah nimai kerehen Kesah Si Badia si jadi penampat man bana guna meritaken Berita Si Meriah. Kai dage si ilakoken ajar-ajar asum nimai kerehen Kesah si Badia e? Lit nge penggejapen aru ate, mbiar entah pe bosan? Janah kai ka nge asilna kesabaren nimai ndai? Asum Yesus nangkih ku Surga, Allah Bapa enggo nikapeken Kesah si Badia guna reh kempak ajar-ajar kerina i Yerusalem (ayat 2). Kesetiaan ajar-ajar nandangi Jesus erbanca ia kerina tutus ate dingen setia kempak padan Dibata eme nimai kerehen Kesah si Badia e. Enda sue ras percakapen ajar-ajar Jesus ope nangkih ku surga(ayat 40. Alu bage ajar-ajar bagepe piga-piga diberu eme nade Jesus ras senina-senina Jesus pulung ras-ras janah tutus ertoto (ayat 14).
Nimai sisada lebih kel lungunna janah banci jadi lebih beratna ibadingken adi nimai alu ras-ras entah pe piga-piga kalak. I je me teridah gegeh enterem jelma asangken gegeh sisada. Sebab adi temandu radu ras nimai banci jadi sekalak mpegegehi sidebanna. Sisada neheken pertoton situhuna labo lit bedana ras ertoto alu nterem raduken ras perpulungen, sebab pertoton sekalak ras si enterem kerina nge ibegiken Tuhan. Tapi si arus lit ibas pertoton eme arus lit unsur kesetiaan. Sebab adi la ilakoken alu setia, maka intensitas ‘waktu’ guna ertoto banic reh kurangna. Melala alasen banci iban: lupa, la sempat, menggo ras sidebanna.
Padan si ibereken Dibata eme padan si enggo pasti, labo bagi istilah “janji palsu” alu bage enggo me tentu ertoto me dalannaguna mpeturah kesabaren, pengarapen ibas pusuh. Kesah si Badia si ipadanken Jesus e reh me. Emaka kerina si nimaisa la kecewa. Bage me pe kita, kai nge padan Dibata si sangana si dalani janah si terus man arapenken bas kegeluhenta? Keselamaten, kegeluhen si rasa lalap begepe kejuah-juahen/ damai sejahtera. Kerinana pengarapenta enda bersifat hic et nunc ‘di sini dan kini’ labo pagin kenca kita mate maka sialoken, tapi gundari pe enggo me sigejapken adi tuhu sigejap e kerina rehna Dibata nari labi bekas gegehta. Adi bage kai dage siarusna tetap lit ibas kita? Kai dagena si arus alu setia ibahan kita? 1 Tesalonika 5:17, Rasul Paulus nurtkenca: tetaplah ertoto. Tentu eda jadi gegeh kinitekenta guna setia dingen tek maka Dibata megiken ras mereken si mehuli bas kegeluhenta.
Selaku warga GBKP ngelakoken Pra pekan Doa GBKP ras Pekan Doa GBKP. Telu wari Pra Pekan Doa GBKP ertoto ras keluarga i rumah emaka iterusken pitu wari ertoto bas sektor-sektor PJJ. Metode enda enggo ibenaken ibas tahun 2017 (tahun si lewat). Penggejapen kerina ngawan perpulungen tamhan riahna sebab ibereken kesempaten lebe er-Pra Pekan Doa GBKP i rumah-rumah ope dengan bengket ku bas sinterem bas sektor PJJ. Tole ibas tahun enda, marilah silakoken alu jujur ras setia, gelah tuhu-tuhu sialoken maknana, sebab tek kita maka pertotonta la sia-sia ibas kita ndalani ras nimai padan Dibata kubas jabunta begepe perpulungen ni Tuhan.
Doa Johanes Calvin:
Bapa Kami yang di surga, di dalam Engkau ada cahaya terang dan hikmat, yang menerangi pikiran kami dengan Roh KudusMu, dan memberikan Tahmat kepada kami untuk menerima FirmanMu dengan hormat dan rendah hati, yang tanpanya seorangpun yang dapat mengerti kebenaranMu. Amin.
EVALUASI
Uga pendalakenta kerna aksi bahan PJJ nta minggu si lewat
DISKUSI
- Kai saja nge peran/fungsi Kesah si Badia e ibas kegeluhennta baik secara pribadi bagepe jabunta?
- Uga kegeluhen pertotonta pribadi ras jabunta? Janah uga ka pendalakenta kerna Pra Pekan Doa GBKP si 3 wari ibas tahun si lewat ubas rumahta ras keluarganta?
AKSI
Silakoken Pra Pekan Doa 3 wari/ berngi bas rumahta! Jenari siikuti Pekan Doa mulai wari minggu seh sabtu si reh.
USULEN LAGU
- KEE GBKP NO: 176:11-3
- KEE GBKP NO: 183:1,3
- KEE GBKP NO: 202:1,3
- KEE GBKP NO: 332:1-3
TOPIK DOA SYAFAAT
- Gelah kerina ngawan perpulungen nggejapken pentingna ertoto dingen tutus ertoto selaku kalak si erkiniteken man Tuhan.
- Gelah pelaksanaan Pra Pekan Doa GBKP ras Pekan Doa GBKP ibas tahun enda banci erdalan alu mehuli, gelar Tuhan ipermuliaken
- Si turah ibas PJJ
Pdt Kristiani Feronita br. Tarigan, M. Th