SUKAT-SUKAT PEMIMPIN SI NGENA ATE DIBATA
(Politik dan Pilkada / 128 tahun Sehna berita si meriah)
Ulangen 17:14-20
17:14 “Apabila engkau telah masuk ke negeri yang diberikan kepadamu oleh TUHAN, Allahmu, dan telah mendudukinya dan diam di sana, kemudian engkau berkata: Aku mau mengangkat raja atasku, seperti segala bangsa yang di sekelilingku,
17:15 maka hanyalah raja yang dipilih TUHAN, Allahmu, yang harus kauangkat atasmu. Dari tengah-tengah saudara-saudaramu haruslah engkau mengangkat seorang raja atasmu; seorang asing yang bukan saudaramu tidaklah boleh kauangkat atasmu.
17:16 Hanya, janganlah ia memelihara banyak kuda dan janganlah ia mengembalikan bangsa ini ke Mesir untuk mendapat banyak kuda, sebab TUHAN telah berfirman kepadamu: Janganlah sekali-kali kamu kembali melalui jalan ini lagi.
17:17 Juga janganlah ia mempunyai banyak isteri, supaya hatinya jangan menyimpang; emas dan perakpun janganlah ia kumpulkan terlalu banyak.
17:18 Apabila ia duduk di atas takhta kerajaan, maka haruslah ia menyuruh menulis baginya salinan hukum ini menurut kitab yang ada pada imam-imam orang Lewi.
17:19 Itulah yang harus ada di sampingnya dan haruslah ia membacanya seumur hidupnya untuk belajar takut akan TUHAN, Allahnya, dengan berpegang pada segala isi hukum dan ketetapan ini untuk dilakukannya,
17:20 supaya jangan ia tinggi hati terhadap saudara-saudaranya, supaya jangan ia menyimpang dari perintah itu ke kanan atau ke kiri, agar lama ia memerintah, ia dan anak-anaknya di tengah-tengah orang Israel.”
Guna ndatken pemimpin si mehuli mbue tergantung ku bas kualitas mayoritas pemilih. Adi mayoritas rakyat pemilih mehuli kualitasna, tentu ngasup ia secara objektif (rukur tengah) ras rational, nentuken pilihenna alu tepat. Ulihna tentu idatken pemimpin si mehuli. Si jadi masalah ibas negerinta e me, rakyat si milih la ngasup ngenen si bujur. Pemilih si pentar ngasup ngidah entah kin sekalak calon pemimpin ngasup ras metunggung jadi pemimpin, bagepe ngasup menilai sekalak calon ngasup memenuhi janji-janji politikna. Tapi adi pemilih si la bujur (la pentar), la ngasup rukur seh ku je, jenah tergantung ku bas isi kampanye, gampang “termakan janji hebat” padahal labo kari terdalankenca, bagepe megati banci itukur sorana (money politic). Guna meningkatken jumlah pemilih pentar, perlu ilakoken pendidiken politik. Gereja GBKP memang la banci ngelakoken politik praktis (sabab Gereja labo berafiliasi ku partai apai pe sue ras Tata Gereja), tapi GBKP arus erbahan pendidikan politik, gelah reh enteremna anggota GBKP jadi pemilih pentar, bagepe gelah reh enteremna anggota GBKP jadi calon pemimpin si erkualitas mehuli. Kerna si enda banci kita erlajar kuga Musa erbahan pendidiken politik nandangi bangsana ope denga bengket ku taneh Kanaan.
Isi Kitab Ulangen e me pesan-pesan Musa man bangsa Israel i Taneh Moab, ija bangsa enda ngadi ope bengket kubas Taneh Perpadanen. Pesan-pesan enda e me guna idalinken ras igelem bangsa Israel kenca pagi ngiani Taneh Perpadanen e. Ulangen 17:14-20 enda isina khusus nikapken kune pagi bangsa Israel jadi sada Negara dalam bentuk kerajaan si impimpin sekalak raja.
Emaka nina Musa man bangsana Israel banci saja ibas sada paksa pagi kenca ngiani taneh perpadanen e, kam ersura-sura mindo sekalak raja, gelah negerindu teridah megegeh ras mehaga bali ras bangsa-bangsa sekitarndu. Nikapken kemungkinen si e , Musa nikapken aturen-aturen man rakyat pemilih, bage kriteria jadi sekalak raja bangsa Israel. Musa yakin, maka ibas sada paksa pasti turah ukur bangsaNa milih sekalak raja. Kinatana hampir 400 tahun kenca Israel ngiani Taneh Perpadanen maka bangsa enda mindo man Dibata arah nabi Samuel gelah milih sekalak raja man bana. Sedekah 400 tahun e, bangsa Israel ipimpin siigelari Hakim-Hakim. Ertina, bangsa Israel ersura-sura merubah Negara Israel dari sistem Teokrasi (ipimpin oleh Hakim-Hakim) menjadi sistem Kerajaan (impimpin sekalak raja).
Guna mengantisipasi kemungkinen enda ibereken Musa pedah-pedah gelah lit pedoman man rakyat Israel sebagai pemilih, bagepe kriteria kalak si metunggung jadi raja Israel. Pedah man kalak Israel ibas milih sekalak raja, nina Dibata, sipemena: kalak e arus si enggo ipilih Dibata (arah Nabi), ras sipeduaken, kalak e arus ipilih ibas bangsandu nari, la banci ibas bangsa si deban nari gelah ula ibabana adat si la semal ibas bangsandu.
Kenca bage, Musa ngerana kerna kriteria entah pe syarat-syarat kalak si seharusna ipilih jadi pemimpin bangsa, e me, kalakna arus si ngasup mengendaliken diri, ngasup menghindari hal-hal si erbanca nilah ibas Dibata nari. Umpamana la banci kebayaken si jadi perayakenna, kehormatan arah kekuasaan ras bagepe kenikmaten geluh arah mbue ndeharana. Sabab teluna: kebayaken, kehormatan arah kekuasaan ras kesenangen/hedonisme si paling menghambat kalak ndeher ras Dibata ( igambarken arah melala kuda, melala ndehara ras melala emas – pirak). Syarat berikutna nina: Kenca i terpilih jadi raja, ia arus nalin/nulis ulang kitab undang-undang ras pengajaren Dibata ibas kitab aslina nari, si isimpan imam-imam. Gelah alu nulis ulang pengajaren Dibata ras undang-undang Taurrat e, erlajar ia kerna kata Dibata, janeh ipakena ibas memimpin bangsa Israel. Begepe gelah selama ia jadi raja, igejapna maka lit denga kuasa si terganjangen asa ia, e me Dibata. Arah nulisken ulang pengajaren Dibata, penghayaten nandangi pengajaren lebih mbages.
Milih sekalak raja (pemimpin) eme kegiatan politik, ngaturken jelma (rakyat) sienterem. Arah pedah-pedahna, Musa enggo mereken pendidikenpolitik man bangsa Israel, gelah ngasup ndateken pemimpin si paling mehuli. Arah syarat-syarat si ipedahken Musa, rakyat Israel enggo iajukna rukur secara kritis menilai sekalak calon raja, memenuhi syarat-syarat ras kriteria si enggo itentuken entah lang. La pe terpenuhi seh sempurna, rakat Israel ngidah kalak siapai sipaling mendekati, ras si paling potensial berkembang seh mendekati ntah memenuhi kriteria e.
Ibas negaranta Republik Indonesia, ibas tahun 2018 mbue daerah ngelakoken pemilihan secara serentak guna milih gubernur ras bupati. Mbue pelajaren banci sidate arah teks renungenta enda sebagai pedoman ibas milih pemimpin i daerahta masing-masing. Sipemena, tentu kalak si arus sipilih e me warga negara Indonesia (enda sue ras UU). Si lebih mesera e me ndateken calon si ngasup memenuhi kriteria jadi pemimpin. Sue ras pedah Musa, sekalak pemimpin: ula min kebayaken jadi perayakenna, ertina ula merangap gelah terhindar ibas praktek korupsi nari; ula kekuasaan ipakena ibas memimpin rakyat tapi arah keteladanen ras ngasup jadi usihen, berarti kalak si meteruk rukur, ula kalak simbue ndeharana (resmi entah pe terbuni), berarti arus mehuli keluargana; arus si keleng atena rakyatna, bagepe si erkemalangen man Dibata, la perkulah-kulah ibas er Dibata, ula kalak si beribadah ngenca rajin tapi la teridah ibas perbahanenna. Berarti, ope milih enggo min igargari latar belakangna, kegeluhen pribadina ras sidebanna (melalui media).
Ibas tanggal 18 April enda enggo 128 tahun dekahna Berita si Meriah seh man banta kalak Karo. Arusna enggo me kita lebih dewasa ibas kiniteken. Adi enggo lebih dewasa kinitekenna, ibas ranah poltik pe arusnaia lebih nggutu ku kata Dibara. Adi anggota GBKP jadi anggota ibas partai tertentu, ia pe arus milih pemimpin partaina bagi kriteria singena ate Dibata, gelah alu bage arah partaina banci terpilih pemimpin bangsa si mehuli. Adi anggota GBKP terpilih jadi sekalak pemimpin, ia pe bagi pedah musa arus nulisken ulang Kata Dibata guna dirina, khususna si sehubungen ras dahinna sebagai pemimpin. Sebagai pemilih ras sebagai kalak si bakal pilih, anggota GBKP arusna mengutamaken sura-srua Dibata.
EVALUSI:
Uga kerna aksita man KAKR minggu si lewat?
DISKUSI:
1. Diskusiken, engkai maka nabi Musa nuruh kalak si enggo ipilih jadi raja Israel arus nulisken ulang Pengajaren Dibata ras Undang-Undang Taurat? Kai keuntungenna man bana bagepe man rakyat Israel adi ilakokenna si iperintahken Musa e?
2. Tanda-tanda ras cara kepemimpinen sekalak pemimpin si erkemalangen man Dibata, meteruk rukur, mementingken kepentingen rakyat ras la merangap kai akapndu tole sukat-sukat si perlu kerna pemimpin i daerahta enda?
AKSI
Aksi sada minggu si reh enda: Nutiken man anak-anakta ras keluarganta si enggo berhak memilih kerna kriteria sekalak pemimpin simehuli sue ras pedah Musa.
USULEN LAGU:
1. KEE GBKP NO: 190:1-2
2. KEE GBKP NO: 338:1-3
3. KEE GBKP NO: 101:1-2
TOPIK DOA SYAFAAT:
1. Notoken gelah warga GBKP ngasup ertimbang guna milih pemimpin si ngena ate Dibata.
2. Notoken gelah warga GBKP tetap ndalani kegeluhen mengutamaken sura-sura Dibata
3. Siturah ibas perpulungen
Pdt. Matius P. Barus, M.Th.