Bahan PJJ 29 April – 5 Mei 2018

JESUS NANGKIH KU SURAGA MAN GUNANTA
(KENANGKIHEN TUHAN JESUS KU SURGA)
(HEBER 9:23-26)

9:23 Jadi segala sesuatu yang melambangkan apa yang ada di sorga haruslah ditahirkan secara demikian, tetapi benda-benda sorgawi sendiri oleh persembahan-persembahan yang lebih baik dari pada itu.
9:24 Sebab Kristus bukan masuk ke dalam tempat kudus buatan tangan manusia yang hanya merupakan gambaran saja dari yang sebenarnya, tetapi ke dalam sorga sendiriuntuk menghadap hadirat Allah guna kepentingan kita.
9:25 Dan Ia bukan masuk untuk berulang-ulang mempersembahkan diri-Nya sendiri, sebagaimana Imam Besar setiap tahun masuk ke dalam tempat kudus dengan darah yang bukan darahnya sendiri.
9:26 Sebab jika demikian Ia harus berulang-ulang menderita sejak dunia ini dijadikan. Tetapi sekarang Ia hanya satu kalisaja menyatakan diri-Nya, pada zaman akhir untuk menghapuskan dosa oleh korban-Nya.

Tep-tep tahun si peringeti wari kenangkihen Tuhan Jesus Ku Surga, padahal lenga bo lit manusia si pernah naik ku Surga rikutiken siniidah kita ibas doni enda, tapi engkai maka maka siperingeti tep-tep  tahun kenangkihen Tuhan Jesus ku Surga? Kai nge sidat makna kenangkihen Tuhan Jesus ku Surga? Kai nge sidat makna kenangkihen Tuhan Jesus ku surga e? Tentu kenangkihen Tuhan Jesus ku surga enda enda jadi sada bukti si nyata maka lit kegeluhen kenca kematen ras enda ngataken maka kerina si lit ibas doni enda sifatna sementara saja, la lit sada pe si kekal. Peristiwa kenangkihen Tuhan Jesus ku surga eme sada pristiwa si labo menukah ngalokensa, surga e lenga iidah, janah lenga pernah lit kalak mulih i surga nari ku doni enda, emaka kiniteken ngenca si erbahansa kita tek maka lit surga siniarapaken kita. Janah kenangkihen Jesus ku surga labo man Jesus dampakna tapi man kerina jelma si tek man Jesus Kristus Juruselamatna.

Si jadi alamat surat Heber enda eme kalak Jahudi si enggo Kristen simelalakel ndatken tekanen ras perbeben subu arah kalak Jahudi begepe arah pemerintah Romawi. Megati kalak enda isiksa ras ianiaya, emaka surat enda itujuken man bana gelah reh gegehna ia kerina ras la nadingken kinitekenna man Tuhan. Ula mulihken ku kegeluhen si ndekah (agama Jahudi) tapi tetap ernalem man Tuhan. Sabab kai si sinilakoken Jesus nggit IA ngorbanken diriNa seh mata, nangkih ku surga nikapken ingan man manusia. Janah surga e labo manusia ngelitkensa, kerehenNa ku surga pe guna kepelunta manusia. Kita enggo iselamatkenNa, janah la lit manusia si banci nambahi keselamatenbagi si enggo ilakoken Jesus Kristus bas geluhta. Jesus enggo “mbayar” lunas dosa-dosanta. Janah sie ilakokenNa sekali ngenca guna nanggung dosa-dosanta. Pengorbanen Kristus e me pengorbanen si kuh erkiteken sinilakokenNa e menyataken kebeneren ras keadilan Dibata. La IA metunggung ngalokensa anem gia sinilakokenna e labo guna diriNa tapi guna manusia si perdosa. Pengorbanen Jesus e si erbahansa kita ngasup ngelakoken si ngena ate Dibata bagepe jadi saksi Kristus arah kerina dampar geluhta. Jesus la terjeng nangkih ku surga tapi pe IA nikapken ingan man kalak si tek BaNa janah reh IA pagi ngkui dahinNa i doni enda. Emaka kita perlu tetap nikapken dirinta, maranatha erjaga-jaga, ntah katawari pe Tuhan reh ku doni enda kita enggo sikap kerina janah dat bagin ibas Kinirajan urga si enggo isikapken Tuhan man gunanta.

Opa denga IA ngankih ku surga lit janji sinipesehna man ajar-ajarNa (Matius 28:19-20) tugas ras Amanat Agung Jesus enda seh ngasa genduari tetap denga berlaku seh ngasa IA reh si peduakaliken. IA tetap nemani ras la nadingken kegeluhen kalak si tek man banNa. IA tetap ras kita seh kedungen jaman. Enda me jadi pergegeh man banta maka la pernah IA nadingken kalak si tek. IA tuhu-tuhu enggo keke janah nangkih ku surga. IA erkuasa i surga ras enda jadi kemalemen ate sebab seh genduari lit dengan pengarapenta kerna surga i ije me inganta senang. Ibas Rumah Bapanku mbas ingan, janah lawes me Aku nikapken ingan man bandu, janah reh pagi Aku ngalo-ngalo kam gelah ija Aku ije kam pe (Johanes 14:2-4) Jesus mpersikapken ajar-ajarNa gelah tek kerna janji si enggo ipesehNa gelah ula ia aru ate ibas kegeluhen enda. Bagepe kita tetaplah nciptaken surga ibas doni enda alu pengarapenta man Tuhan, erbahansa malem atetanggeluh i doni enda. Si enda me jadi responta ibas memaknai kenangkihen Jesus ku Surga.

EVALUASI:

Uga kerna aksinta minggu si lewat, enggo me siilakoken? Enggo nge lit topic pertoton bas jabu?

DISKUSI

1. Uga nge penangkandu kerna kenangkihen Tuhan Jesus ku Surga, janah uga pengarapenta kerna surga e?
2. Kai nge arti Matius 28:19-20 ibas kita ersaksi nehken Berita Si meriah, menurut pengakapndu ayat siapai nge jadi gegehta ibas erberita?

AKSI

Notoken kerina perBerita Si Meriah, Pendeta, Pertua, Diaken, Pengurus PJJ ras Kategorial, janah katakenlah maka malem ateta erkiteken enggo ia enggo ngelai kita ibas perpulungen, salami kerina kemahten si ateta sitotoken e.

USULEN LAGU

1. KEE GBKP NO: 3:1-2
2. KEE GBKP NO: 365:1-2
3. KEE GBKP NO: 202:1-2
4. KEE GBKP NO: 212:1,5

TOPIK PERTOTON SYAFAAT

1. Notoken gelah kinitekenta la terjeng doni enda tapi surga
2. Notoken kerna teman-temanta si la aktif sedekah enda.

 

Pdt. Natallidna Tarigan, M. Th.