PEMIMPIN SI METERUK UKUR
Yohanes 12:12-16
Yesus dielu-elukan di Yerusalem
12:12 Keesokan harinya ketika orang banyak yang datang merayakan pesta mendengar, bahwa Yesus sedang di tengah jalan menuju Yerusalem,
12:13 mereka mengambil daun-daun palem, dan pergi menyongsong Dia sambil berseru-seru: “Hosana! Diberkatilah Dia yang datang dalam nama Tuhan, Raja Israel!”
12:14 Yesus menemukan seekor keledai muda lalu Ia naik ke atasnya, seperti ada tertulis:
12:15 “Jangan takut, hai puteri Sion, lihatlah, Rajamu datang, duduk di atas seekor anak keledai.”
12:16 Mula-mula murid-murid Yesus tidak mengerti akan hal itu, tetapi sesudah Yesus dimuliakan, teringatlah mereka, bahwa nas itu mengenai Dia, dan bahwa mereka telah melakukannya juga untuk Dia.
Tupung Presiden Jokowi reh ku Taneh Karo ngenen senina turangta si tading bas pengungsin erkiteken deleng Sinabung, meriahkal ukur masyarakat ngalo-ngalosa. Keriahen ukur e erkiteken: Kepala Negara ermediate man masyarakat khususna si tading bas pengungsin. Bagepe lit arapen maka kerehen presiden e maba perubahen ku bas kegeluhen masyarakat. Subuk ingan tading, pendahin, anak sekolah, ras kesehjatraan masyarakat. Ertina lit arapen ku bas masa depan si terulin. Keriahen ukur enda pe ituduhken alu nikapken kerina dalan si man bentasen, umbul-umbul ras spanduk ucapan selamat datang ipenangkih bas ingan-ingan si strategis. Acara ngalo-ngalosa pe enggo iaturken alu mehuli. Kerehen Kepala Negara sibagenda rupana tuhu iarapken. Bageme pe siialami Jesus tupung erdalan ku Jerusalem. I alo-alo masyarakat alu dem keriahen ukur. Ibuatna bulung-bulung palem ras itamakenna I dalan si ibentasi Jesus. Kerina encidahken keriahen ukur alu ersurak nina:”Hosana! Ipasu-pasu me IA si reh bas gelar Tuhan, Raja Israel!”
Surak-surak si meriah enda kerina encidahken litna pengarapen. Adi Jesus jadi raja tentu lit kari perubahen bas kegeluhen masyarakat Jerusalem. Sebab paksa sie masyarakat lit ibas kekuasaan Romawi. Ia jadi bangsa si terjajah, ras tertekan ibas perekonominna, pendahinna, bage pe, rumah tanggana. Si enda kerina peturah ndele ate ras kelsehen. Sura-sura masyarakat gelah min ia jadi bangsa si merdeka, bebas i bas penjajahen Romawi nari, iakui doni enda maka ia jadi bangsa si erdolat. Emaka tupung iidahna Jesus reh jadi raja man bangsana, lanai taggung riahna ukurna. Tambah ka ibegina maka lenga ndekahsa Jesus erbahan tanda sengget eme mpekeke Lasarus I bas si mate nari. Erburak-burak kal keriahen ukurna sebab adi Jesus kari jadi raja kai pe pagi atena banci tersehi. Emaka lanai bo ia saber nimai paksana Jesus jadi raja.
Selaku Raja si erkuasa, kai pe banci nge ibahan Jesus guna rakyatNa. Kerina sura-sura rakyatNa banci nge igenepiNa, tapi bage kin nge dahinNa jadi Raja man kalak israel? Nehi sura-sura rakyatNa entah nehi sura-sura bapaNa? Teridah maka Jesus reh labo desken raja si hebat, entah desken penguasa si lalit bandingenna. Biasana, sekalak raja adi reh ku daerah kekuasanna, ipakena kuda mbentar si megegeh, ikawal panglima perang ras make baju kerajan. Nuduhken maka ia me penguasa si banci ngelakoken kai saja atena.
Kepeken Jesus reh ali nangkih kelede si nguda. Biasana kelede ipakai sekalak diberu si nggo mbalu lawes ku juma. E nuduhkensa maka kelede e situhuna labo megegeh, la terhormat, ras ipake sekalak diberu si labo megegeh. Jesus nangkih kelede ngatekensa maka IA raja si ermeteruk ukur. La ituduhkenna kekuasanNa, kehebatanNa, ras gegehNa, padahal IA raja i surga ras i doni. IpeseriNa diriNa ras masyarakat biasa. IA raja si sederhana, nggit nadingken kehebatenNa, la ipebelin-belinNa gegeh ras kuasaNa. Sura-sura BapaNa igenepinNa. Nggit ipakuken ku kayu Persilang seh mate lako nebusi kerina jelma ras doni enda.
Nulih kita ku kegeluhenta si genduari, peminpin si uga kin sini arapken kita lako minpin negaranta enda? Si nehken kerina sura-sura Dibata nandangi rakyatna? Mari si perdiateken rekam jejak calon-calon peminpin si tuhu-tuhu erkelang ate nandangi rakyatna, si nggit mereken diri ngelai rakyatna alu ngusih perbahanen Jeus bas kepemimpinenNa.
EVALUSI:
Uga pendalanta kerna aksinta minggu si lewat? Enggo me erlajar bujur kita menaken man dirinta lebe?
DISKUSI:
- Mari sidiskuiken biak Jesus ibas ndalaneken kepemimpinenNa?
- Sigargarilah isi pusuhta, ugakin sura-suranta nandangi pemimpin si lit bas negaranta enda.
- Turikenlah rekam jejak calon-calon pemimpin ibas daerahta.
AKSI:
Eroto kerna bangsa ras neganta gelah reh ulina tetap
USUL LAGU:
- KEE GBKP NO: 406:1-3
- KEE GBKP NO: 309:1,2
- KEE GBKP NO: 183:1,4
- KEE GBKP NO: 199:1,3
TOPIK PERTOTON SYAFAAT
- Gelah ngawan ni perpulungen meteh ras nandai calon pemimnpin si man pilihen
- Kerina ngawan perpulungen muat bagin ibas milih calon pemimpin
- Kerina calon pemimpin mejuah-juah ras erkemalangen man Tuhan
- Si Turah bas perpulugen
Pdt. Nurbety br Ginting, M.Th