Nimbak Peraten Daging
( Galati 5 : 16 – 21 )
Hidup menurut daging atau Roh
5:16 Maksudku ialah: hiduplah oleh Roh, maka kamu tidak akan menuruti keinginan daging.
5:17 Sebab keinginan daging berlawanan dengan keinginan Roh dan keinginan Roh berlawanan dengan keinginan daging–karena keduanya bertentangan–sehingga kamu setiap kali tidak melakukan apa yang kamu kehendaki.
5:18 Akan tetapi jikalau kamu memberi dirimu dipimpin oleh Roh, maka kamu tidak hidup di bawah hukum Taurat.
5:19 Perbuatan daging telah nyata, yaitu: percabulan, kecemaran, hawa nafsu,
5:20 penyembahan berhala, sihir, perseteruan, perselisihan, iri hati, amarah, kepentingan diri sendiri, percideraan, roh pemecah,
5:21 kedengkian, kemabukan, pesta pora dan sebagainya. Terhadap semuanya itu kuperingatkan kamu–seperti yang telah kubuat dahulu–bahwa barangsiapa melakukan hal-hal yang demikian, ia tidak akan mendapat bagian dalam Kerajaan Allah.
Kebebasen si bereken Dibata kubas kegeluhenta selaku kalak si erkiniteken eme kebebasen si arus si pertanggungjawabken man Dibata. Saja ngenca ibas enggo iberekenNa kebebasen e megati labo silakoken alu payo. Enterem jelma bas paksa enda si terkena “pinakit” sosial masyarakat umpanama narkoba, HIV/AIDS, perselingkuhen ras sidebanna erkiteken la ngasup guna nimbak peraten dagingna. Kedungenna kalak si enggo terkena “pinakit” sosial masyarakat e ulihna eme kegeluhen jabuna banci ceda, mpeturah kegeluhen si la siangkan bagepe turah pinakit ibas dirina jine. Emaka arah bahan renungen Perpulungen Jabu- Jabunta sekali enda arah Kata Dibata sijadi bahan renungenta iarapken, gelah sebage kalak sierkiniteken ngasup kita nimbak peraten daging gelah kepentaren Dibata silakoken ibas kita ndalani kegeluhenta. Kenca Berita Si Meriah kerna Jesus mulai iajarken janah ialoken jelma sinterem si labo kalak Jahudi, mulai turah perukuren, ntah sada kearusen kin ngikutken undang- undang Musa maka banci jadi kalak Kristen situhu-tuhu. Enggo ijelasken Rasul Paulus maka si e labo perlu, maka sada ngenca sarat si payo jadi Kristen eme kiniteken. Alu kiniteken, manusia iperdameken ras Dibata. Tapi itengah- tengah perpulungen Galati, Propinsi Roma i Asia kitik e lit ka sinentang Rasul Paulus ngataken maka kalak arus patuh ngikutken undang- undang Musa, maka banci iperdameken ras Dibata. Surat Paulus man perpulungen i Galati isuratken guna mabai kalak si enggo papak e mulihken ku kiniteken si payo. Ituriken Rasul Paulus man perpulungen Galati maka manusia iperdameken ras Dibata alu kiniteken saja ngenca (bindu 3 – 4). Ibas kegeluhen kalak Kristen si nggeluh erkiteken kiniteken nandangi Kristus bas konteks bahan renungen Perpulungen JabuJabunta sekali enda guna tetap ngasup nimbak peraten daging, Kesah Si Badia min tetap si negu – negu kegeluhenna gelah ola si ikutken perukuren secara manusia (ayat 16). Sura- sura ukur manusia erlawanen ras Kesah Si Badia, janah Kesah Si Badia erlawanen ras sura- sura ukur manusia. Si dua enda ermusuhen, janah sienda ertina maka la banci idalankenndu peratendu. Ituriken Rasul Paulus penegasen maka adi Kesah Si Badia negunegu kegeluhen kalak si erkiniteken maka labo nari ia iteruh undang- undang (ayat 18). Icidahken Rasul Paulus ibas ayat 19 – 21 uga kegeluhen si erpalasken sura- sura ukur manusia eme erlualua, si nggesuh, la meteh mela, nembah man berhala ras erbahan ilmu sihir, simusuhen, rubati, mecimberu, perampus dingen kepentingenna saja ngenca iukurina, erbahan perpecahen dingen erpihak – pihak, sician- cianen, mabuk, pesta minem-minem seh mabuk ras sidebanna. Kalak si ndalanken si kerina nina Rasul Paulus labo banci dat bagin ibas Kinirajaan Dibata sireh pagin. Alu bage dage kegeluhen si tetap itegu – tegu Kesah Si Badia selaku kalak Kristen arus min tetap silakoken bas kegeluhenta gelah ngasup tetap kita nimbak peraten daging.
EVALUASI :
Uga kerna aksi PJJ ta si lewat?
DISKUSI :
1. Kai nge si rusur erbahanca maka megati sebage kalak Kristen labo kita nggeluh itegu – tegu Kesah Si Badia ? Turikenlah !
2. Kai kai saja nge siarus tetap silakoken gelah kegeluhenta tetap itegu – tegu Kesah Si Badia ? Turikenlah!
AKSI :
Sada minggu enda si praktekken bas kegeluhenta guna nadingken sada perbahanenta si dekah enda labo ngena ate Dibata guna si lakoken bas kegeluhenta.
USULEN LAGU :
1. KEE GBKP NO : 323 : 1 , 2
2. KEE GBKP NO : 323 : 3
3. KEE GBKP NO : 286 : 1, 2, 3
4. KEE GBKP NO : 212 : 1, 5
TOPIK PERTOTON SYAFAAT :
1. Gelah ngawan ni perpulungen bagepe serayan GBKP tetap ngasup nggeluh itegu-tegu Kesah Si Badia.
2. Notoken perdamen i belang – belang doni enda.
3. Siturah ibas perpulungen.
Pdt. Prananta Jaya Manik, S.Th MM