Perberita Si Meriah
( I Korinti 15 : 1 – 11 )
15:1 Dan sekarang, saudara-saudara, aku mau mengingatkan kamu kepada Injil yang aku beritakan kepadamu dan yang kamu terima, dan yang di dalamnya kamu teguh berdiri.
15:2 Oleh Injil itu kamu diselamatkan, asal kamu teguh berpegang padanya, seperti yang telah kuberitakan kepadamu–kecuali kalau kamu telah sia-sia saja menjadi percaya.
15:3 Sebab yang sangat penting telah kusampaikan kepadamu, yaitu apa yang telah kuterima sendiri, ialah bahwa Kristus telah mati karena dosa-dosa kita, sesuai dengan Kitab Suci,
15:4 bahwa Ia telah dikuburkan, dan bahwa Ia telah dibangkitkan, pada hari yang ketiga, sesuai dengan Kitab Suci;
15:5 bahwa Ia telah menampakkan diri kepada Kefas dan kemudian kepada kedua belas murid-Nya.
15:6 Sesudah itu Ia menampakkan diri kepada lebih dari lima ratus saudara sekaligus; kebanyakan dari mereka masih hidup sampai sekarang, tetapi beberapa di antaranya telah meninggal.
15:7 Selanjutnya Ia menampakkan diri kepada Yakobus, kemudian kepada semua rasul.
15:8 Dan yang paling akhir dari semuanya Ia menampakkan diri juga kepadaku, sama seperti kepada anak yang lahir sebelum waktunya.
15:9 Karena aku adalah yang paling hina dari semua rasul, bahkan tidak layak disebut rasul, sebab aku telah menganiaya Jemaat Allah.
15:10 Tetapi karena kasih karunia Allah aku adalah sebagaimana aku ada sekarang, dan kasih karunia yang dianugerahkan-Nya kepadaku tidak sia-sia. Sebaliknya, aku telah bekerja lebih keras dari pada mereka semua; tetapi bukannya aku, melainkan kasih karunia Allah yang menyertai aku.
15:11 Sebab itu, baik aku, maupun mereka, demikianlah kami mengajar dan demikianlah kamu menjadi percaya.
Hakekat gereja e me missioner, meritaken Berita Si Meriah, er PI (Pekabaran Injil). Amanat Agung Tuhan Jesus sope IA nangkih ku surga, nuruh ajar-ajarNa guna erberita seh ku tampuk doni (Matius 28:19-20). NusurNa Kesah Si Badia, e me benana dahin PI (Perbahanen Rasul-Rasul 1:8). Bage me i bas Kitab Perbahanen Rasul-Rasul nuriken sejarah PI, sejarah gereja mula-mula. E maka adi gereja lanai er PI, lanai kap ia gereja. Rasul Paulus, salah sada rasul si penting kal i bas Kitab Perbahanen Rasul-Rasul. Bekas pendahin Rasul Paulus pantek mbue perpulungen, janah salah sada e me Perpulungen Korinti (1 Korinti 15:1-11, si jadi Bahan Renungen PJJnta enda). Rasul Paulus mabai Perpulungen Korinti jadi Aron Dibata, jadi teman si erdahin Kristus (Aron Perberita Si Meriah). Dahin PI la banci ngadi, janah dahin enda iendesken man kerina kalak si enggo ngaloken Tuhan Jesus jadi Juruselamatna (bdk 2 Timotius 2:2).
I bas Abad 19 ras 20 turah semangat Pekabaran Injil si berkobar-kobar i bas Gereja-Gereja i Eropa, termasuk i Negeri Belanda. Iutus me missionaris, si igelari Zending ku belang-belang doni enda. Gereja Belanda seh ku Taneh Karo si ibaba Pdt HC Kruyt tahun 1890 i Buluhawar. Si ngutus Pdt HC Kruyt e me Nederlands Zendeling Gnootschap (NZG), Lembaga Zending Pertama i Negeri Belanda. Kata zending e me i bas Bahasa Belanda nari, si ertina persuruhen (pengutusan), sierkaiten ras perdalanen missionaris (perBerita si Meriah). Bage me pantek Perpulungen Karo, si kedungenna igelari Gereja Batak Karo Protestan (GBKP). Pajek pe sekolah-sekolah zending, bage pe Rumah Sakit Zending i Taneh Karo (wilayah/daerah kalak Karo tading). Bage me munculna Minggu Zending i bas GBKP, si ilakoken i bas bulan Nopember tiap tahun, guna empersingeti ras pekeke ukur ngawan ni perpulungen GBKP guna tetap ndahiken dahin PI. Kerina ngawan ni perpulungen GBKP, Runggun Gereja, Klasis ras Moderamen GBKP idilo lako nehken Pekabaren Injil (Zending). I bas tahun 70 an ras 80 an tuhutuhu igalakken kal dahin PI i bas GBKP. Minggu Zending/Pekabaren Injil GBKP e me sada kesempaten lako encidahken dahin PI ras pekeke ukur kerina ngawan ni perpulungen GBKP guna ersaksi kerna Berita si Meriah ni Jesus Kristus man kade-kade, anak kuta, teman erdahin ras sekelewetta. Ilitken pe salah sada wari Minggu i bas bulan Nopember erbahan kegiaten Minggu Zending GBKP guna pepulung dana PI arah Kolekte Amplop Minggu Zending GBKP. Bage pe Moderamen GBKP ngelitken sada badan si igelari Badan Penunjang Pekabaran Injil (BPPI), si dahinna ngelitken dana PI GBKP guna ngutus tenaga-tenaga detaser (missionaris-missionaris} GBKP ku daerah-daerah PI GBKP. Bage pe setiap tahun ibaba ku Doa Syafaat kerna daerah-daerah PI GBKP i bas Pekan Doa sedoni si ilakoken GBKP.
Uga genduari dahin PI enda i bas gerejanta GBKP ? Me gereja si missioner denga nge GBKP nta enda ? Tentu ! Tapi uga dinamikana ? Lalah statis, si terjadi hanya rutinitas kebaktiankebaktian saja ? Adi gereja missioner, maka gereja la pernah ngadi er PI. Kehadiren Gereja GBKP, kehadiren kalak Kristen, eme langkah pertama i bas pebelangken Berita si Meriah/Zending GBKP (PI secara pribadi – Eta Erberita Si Meriah). Bagi Jesus nggeluh i doni enda, janah tetap hadir arah kegeluhen kalak Kristen, arah Rasul Paulus, arah Perpulungen Korinti, arah kita pe, arah GBKP. Bagi niNa Jesus : Bagi Aku isuruh Bapa, bage me pe kam Kusuruh (Yoh 20:21). Mari silakoken e selaku ngawan ni perpulungen, nintalah : Aku Perberita Si Meriah. Siberitaken man kade-kadenta, man anak kutanta, teman erdahin ras teman sekelewetta.
EVALUASI :
Uga evaluasi kerna aksinta Minggu silewat ?
DISKUSI :
1. Kai perlu sibahan gelah ergiah-giah ukur ngawan ni perpulungen jadi Perberita si Meriah ?
2. Kai saran-saranta guna kiniulun dahin PI i bas Runggunta ? Sisehken arah Pertua, Diaken PJJ nta !
AKSI :
Erlajar ula cakap curang totoken sada Minggu enda ras lakokenlah !
USULEN LAGU :
1. KEE GBKP NO : 68:1,3
2. KEE GBKP NO : 99:1,4.
3. KEE GBKP NO : 102:1,4
4. KEE GBKP NO : 108:1,4.
TOPIK PERTOTON SYAFAAT :
1. Gelah ngawan ni perpulungen ergiah ukur ndahiken dahin PI.
2. Gelah Runggun Gereja erbahan program PI Runggun.
3. Gelah PJJ nta banci erbahan aksi PI i bas bulan Nopember 2017 enda.
4. Siturah ibas perpulungen.
Pdt. Simon Tarigan, S.Th