Njaga Ras Ngergai Kesehaten
( Perbahanen Rasul – Rasul 27 : 33 – 38 )
27:33 Ketika hari menjelang siang, Paulus mengajak semua orang untuk makan, katanya: “Sudah empat belas hari lamanya kamu menanti-nanti saja, menahan lapar dan tidak makan apa-apa.
27:34 Karena itu aku menasihati kamu, supaya kamu makan dahulu. Hal itu perlu untuk keselamatanmu. Tidak seorangpun di antara kamu akan kehilangan sehelaipun dari rambut kepalanya.”
27:35 Sesudah berkata demikian, ia mengambil roti, mengucap syukur kepada Allah di hadapan semua mereka, memecah-mecahkannya, lalu mulai makan.
27:36 Maka kuatlah hati semua orang itu, dan merekapun makan juga.
27:37 Jumlah kami semua yang di kapal itu dua ratus tujuh puluh enam jiwa.
27:38 Setelah makan kenyang, mereka membuang muatan gandum ke laut untuk meringankan kapal itu.
Kenca rasul Paulus itangkap pemerintah Romawi erkiteken pengadun kalak Jahudi, emaka iadili ibas Pengadilen Agama, bagepe perwakilen pemerintah Romawi gubernur Felix ras Pestus, bagepe ibas raja Agripa. Ibas persidangen pengadilen enda me, sebagai warganegara Romawi Paulus ngusulken gelah Kaisar Romawi lah sindungi perkarana, sabab la lit salahna man Undangundang agama Jahudi bagepe man Pemerintah Romawi. Perwakilen pemerintah Romawi pe erpendapat maka labo lit idahna perbahanen Paulus si salah (26:30-32) . Tapi erkiteken usul Paulus e, maka ikirimken ia arah kapal ku Roma. Bahan PJJ nta sendah e me bagin kitik ibas perdalanen Rasul Paulus ku Roma. Rikut ras piga-piga tahanen sideban, Paulus berkat alu kapal i Kaesaria nari. Kalak enda ikawal Pasukan Kaisar si ipimpin Julius. Bagepe sekalak pengikut Paulus i Makedonia nari gelarna Aristarkus ikut ras ia ibas kapal e. Perpulungen Tuhan mperdiateken Paulus ibas menghadapi persoalenna si mberat e. Jadi labo ia ipeturut perpulungen sisada. Bagepe kepala pengawal ( Julius) e mehuli kal man Paulus. Kenca seh i kota Sidon, iberena Paulus ndarat ibas kapal nari guna ndahi perpulungen i je, gelah perpulungen e banci mereken bekal ibas perdalanen. Kenca seh i Mira, pindah kalak enda ku kapal sideban si menuju ku Italia.
Menuju Italia, kapal arus mentasi laut lepas si meter kal anginna. Emaka i tengah dalan mesera kal akap kapal erlayar erkiteken angin nungsang arah perdalinen kapal. Sepuluh empat berngi dekahna kapal enda bombang-bombang i tengah lawit Adria, mungkin enterem pe mutah seh maka lanai banci man. Nandangi terang kenca berngi pe sepuluh empatken e, tedis Paulus janah nina man kerina penumpang ras pegawai kapal: “Enggo sepuluh empat wari dekahna iarap-arapkenndu ngadi angin si meter e. Janah kidekah si e la kam man. Emaka kukataken man bandu, maka man lah kam lebe. Si enda perlu guna kesehatenndu. Labo selambar pe buk takalndu bene”. Ijenda tempa-tempa Paulus nge si mimpin ibas kapal e. Memang, amin pe lit nge kapten kapal bagep kepala pengawal, Paulus sebagai rasul lit ibas ia wibawa si khusus, si erbahanca kerina si idas kapal e megiken katana ras tek man bana, lebih wibawana asangken pemimpin-pemimpin sideban. Terlebih pe malekat Tuhan reh man bana njaminsa maka seh nge ia pagi i Roma jumpa ras Kaisar. Kerina megiken katana, janah ia jine lebe menaken muat rotina, icepikkenna ras itotokenna emaka ipanna. Kalak sideban pe kerina ngikutkenca man.
Nina Paulus man bana kerina, “man lah kam lebe, enda perlu guna kesehatenndu”, (ibas terjemahen cakap Jerman, Inggris bagepe Indonesia: “perlu guna keselamatenndu”). Ertina bali nge, sabab adi la man labo sehat, janah adi adi la sehat labo ngasup menghadapi tantangan si mberat denga reh. Adi enggo man tentu reh sehatna. Adi siterusken ngoge ku ayat 39 ras seterusna, maka kapal e gedap janah kalak enda arus kerina erlangi ku pantai pulau Malta si lanai ndauh emaka perlu gegeh. Paulus ietehna, amin pe bage kerina nge ia selamat. Tapi harus lebe man gelah sehat ras megegeh nelamatken diri.
Tema PJJ nta eme “Njagai Kesehaten”. Nina para ahli, kesehaten manusia mbue tergantung ku bas pola hidup termasuk kebiasaan makan. Sipemena : soal pangan. Adi man, man lah secukupna. Ertina jumlah pangan arus sesuai ras kebutuhen kulanta masingmasing, ula lebihsa ula kurangsa, janah gizina pe seimbang min. Menurut statistik WHO, kalak si enteremna kena masalah kolesterol (bagepe asam urat), termasuk sakit jantung, e me ibas negara-negara berkembang. Engkai? Erkiteken enggo berkembang ekonomina, janah peningkatan ekonomi enda merubah pola makan. Alu la sisadari, erkiteken bias sen, enggo reh entabehna ras reh buena panganta. Bagepe tambah ka kebiasaanta “makan luar” i restoran. Mbue entah lang sen, tetap min kita nginget hal siterutama e me “man secukupna”. Lit ka deba, adi susah akapna reh buena ia man sebagai kompensasi. Deba adi susah la nggit man bagi teman-teman Paulus ibas kapal. Emaka erlajar lah kita terus kerna filosofi kesehatan, khususna kerna “man”.
Olah raga / sport si teratur pe cukup menentuken perkembangen kesehatenta. Enterem enggo kalak Karo, amin pe ia perjuma-juma lanai bo ia langsung njemak cangkul, tapi idaramina kalak upahen, janah ia jadi mandur saja. Man kalak sibage ras kalak sierdahin ibas kantor bagepe perbinaga, mehuli adi silakoken olah raga si teratur, erpagi-pagi entah pe karaben, jalan kaki entah pe jogging. Perpudi enda megati kita sengget megi berita, maka “bapa si anu” enggo ka idilo Dibata, rempet janah la lit pernah sibegi keluhen kerna penakit. Adi la lit keluhen labo berarti la lit penakit. Banci saja lit, tapi deba la ia megermet / peka nandangi gejala-gejala si lit ibas kulana. Deba anggap enteng ia, labo kai-kai pe atena. Kalak sibagenda banci fatal akibatna. Emaka mehuli adi sibiasaken ngelakoken cek kesehaten secara rutin. Buen biaya ertambar asangken cek kesehaten. Njagai kesehaten eme salah sada si paling penting ibas kegeluhen. Adi sehat, mbue banci sidahiken.
EVALUASI :
Uga kerna aksi PJJnta si lewat ?
DISKUSI :
1. Engkai maka Paulus merintahken kerina jelma ibas kapal gelah man? Kai kin sababna maka kalak enda la nggit man secara teratur enggo 14 wari dekahna? Turikenlah!
2. Turiken pengalamenndu kerna “pola makan” ndu sehari-hari. Bagepe turiken penggejapenndu si biasa teratur olah raga!
USULEN LAGU :
1) KEE GBKP NO : 81 : 1 – 2
2) KEE GBKP NO : 323 : 1, 2
3) KEE GBKP NO : 187 : 1, 2
4) KEE GBKP NO : 15 : 2
AKSI :
Arihken ibas jabu menu si ate ipanndu mpergermetken keseimbangen
TOPIK PERTOTON SYAFAAT :
1. Kepentaren gelah banci ngaturken / pola makan si sehat.
2. Siturah ibas perpulungen.
Pdt. Matius Panji Barus, M. Th