Pengerakut Kiniersadaan
( Pilemon 1 : 8 – 20 )
Permintaan Paulus kepada Filemon mengenai Onesimus
1:8 Karena itu, sekalipun di dalam Kristus aku mempunyai kebebasan penuh untuk memerintahkan kepadamu apa yang harus engkau lakukan,
1:9 tetapi mengingat kasihmu itu, lebih baik aku memintanya dari padamu. Aku, Paulus, yang sudah menjadi tua, lagipula sekarang dipenjarakan karena Kristus Yesus,
1:10 mengajukan permintaan kepadamu mengenai anakku yang kudapat selagi aku dalam penjara, yakni Onesimus
1:11 –dahulu memang dia tidak berguna bagimu, tetapi sekarang sangat berguna baik bagimu maupun bagiku.
1:12 Dia kusuruh kembali kepadamu–dia, yaitu buah hatiku–.
1:13 Sebenarnya aku mau menahan dia di sini sebagai gantimu untuk melayani aku selama aku dipenjarakan karena Injil,
1:14 tetapi tanpa persetujuanmu, aku tidak mau berbuat sesuatu, supaya yang baik itu jangan engkau lakukan seolah-olah dengan paksa, melainkan dengan sukarela.
1:15 Sebab mungkin karena itulah dia dipisahkan sejenak dari padamu, supaya engkau dapat menerimanya untuk selama-lamanya,
1:16 bukan lagi sebagai hamba, melainkan lebih dari pada hamba, yaitu sebagai saudara yang kekasih, bagiku sudah demikian, apalagi bagimu, baik secara manusia maupun di dalam Tuhan.
1:17 Kalau engkau menganggap aku temanmu seiman, terimalah dia seperti aku sendiri.
1:18 Dan kalau dia sudah merugikan engkau ataupun berhutang padamu, tanggungkanlah semuanya itu kepadaku–
1:19 aku, Paulus, menjaminnya dengan tulisan tanganku sendiri: Aku akan membayarnya–agar jangan kukatakan: “Tanggungkanlah semuanya itu kepadamu!” –karena engkau berhutang padaku, yaitu dirimu sendiri.
1:20 Ya saudaraku, semoga engkau berguna bagiku di dalam Tuhan: Hiburkanlah hatiku di dalam Kristus!
Isi surat Rasul Paulus man Pilemon e me perseninan Kristiani (persaudaraan Kristiani). Pilemon 1:8-20 si jadi bahan renungen PJJ nta enda, e me pemindon Rasul Paulus man Pilemon kerna si Erguna (Onesimus), gelah Pilemon ngaloken mulihi suruhsuruhenna (budakna) si Erguna, si enggo ersalah man Pilemon, selaku kalak si ersenina i bas Kristus. Si Erguna kiam i bas Rumah Pilemon nari, ibabana pe barang-barangna. Kerna kesalahen si Erguna enda, aku njaminisa, nina Paulus (ayat 18-19) . Itandai Rasul Paulus kal si Pilemon (ayat 4-7) , maka si Pilemon e me kalak si tutus erkiniteken, si erkelengate man kerina anak-anak Dibata selaku kalak si ersenina i bas Kristus (perseninan i bas Kristus). Si Erguna isuruh Rasul Paulus mulih ku rumah si Pilemon, labo ate Rasul Paulus meneken perbudaken (status sosial sesekalak), tapi i bas kerina status sosial sesekalak si enggo erkiniteken man Tuhan Jesus, ia enggo jadi senina si meherga i bas Kristus. Si Erguna e me budak (suruh-suruhen) si Pilemon, tapi si Erguna e me senina si meherga man si Pilemon i bas Kristus (ayat 16; bdk. 1 Kor 7:20). Dinding pemisah erkiteken status sosial enggo iruntuhken Jesus, lanai jadi pembatas hubungen perseninan Kristiani i bas Kristus. Enda me perbahanen (sikap hidup – orat nggeluh) kalak si erkiniteken man Jesus.
Sope Berita si Meriah seh ku kalak Karo, enggo lit orat nggeluh kalak Karo e me merga si lima, rakut si telu, tutur si waluh, perkade-kaden 12 + 1. Kerina kalak Karo lit mergana (5 merga), e maka kerina kalak Karo e me kalak si meherga. Asal kata merga e me meherga, ertina penting ras mbelin kal kalak Karo i bas kegeluhen enda. Erkiteken mergana, kerina kalak Karo irakut i bas kiniersadan Rakut si Telu (kerina erkade-kade). Ertutur (sioraten) e me dalanna penetapen hubungen perkade-kaden rikutken Rakut si Telu e me : Kalimbubu, Senina ras Anak Beru. Kerina kalak Karo (la ibatasi status sosial : pangkat/jabaten – ekonomi) pernah jadi kalimbubu, senina, bage pe anakberu. Enda me si igelari Sangkep Nggeluh, janah gelah kuh sangkep nggeluh – hubungen perkadekaden (kekerabaten kalak Karo), lit orat si waluh/tutur si waluh, e me :
1. Sembuyak.
2. Senina/Gamet.
3. Senina sipemeren.
4. Senina siparibanen.
5. Anak Beru.
6. Anak Beru Menteri.
7. Kalimbubu.
8. Puang Kalimbu
Gelah kuh kal perkade-kaden, kuh kal sangkep nggeluh kalak Karo, lit orat/perkade-kaden 12+1, e me :
9. Senina sepengalon.
10. Senina sendalanen.
11. Anak Beru singukuri.
12. Anak Beru sipejoreken.
13. Teman Meriah.
Berita si Meriah seh man kalak Karo, janah Berita si Meriah e la meneken status sosial ras orat nggeluh (perkade-kaden) kalak Karo, tapi i bas perseninan Kristiani (persaudaraan Kristiani). Palasna e me kekelengen. Kerina kalak si erkiniteken ersada i bas Kristus, janah kalak Karo si erkiniteken man Jesus, ersada i bas sangkep nggeluhna rikutken orat nggeluh kalak Karo. Orat nggeluh kalak Karo enda la ibeneken, tapi tole irakut lebih nteguh i bas persadan/perseninan Kristiani, kerina meherga selaku anak-anak Dibata. Jadi pengerakut kiniersadan i bas Rakut si Telu (kekerabaten kalak Karo), irakut alu nteguh i bas kekelengen Dibata si Telu Sada (Bapa, Anak ras Kesah Si Badia). Bagenda me orat nggeluhta si maba kejuah-juahen.
EVALUASI :
Uga nge evaluasi kerna aksinta i bas Minggu si lewat ?
DISKUSI :
1. Oge Pilemon 1:12-14 ! Kai banci sirenungken i bas pengogen enda ?
2. I bas PJJ ilitken Liturgi Sangkep Nggeluh si mada jabu (tuan/nyonya rumah). Me mehuli siakap adi i bas kerja-kerja meriah ras ceda ate i bas anggota PJJnta, kerina anggota PJJ ergabung ku bas peradaten sangkep nggeluh si erkerja, termasuk i bas acara ngerana pe. PJJ Sektorta ula ngerana i bas tegun Teman Meriah/Undangen. PJJ Sektor si deban, Runggun Gereja ras Persekutuan Kategorial ngerana i bas tegun Teman Meriah/Undangen. Uga ninta ? Mari sidiskusiken
AKSI :
Adi lit kerja adat i bas anggota PJJ nta Minggu enda, mari sitempatken dirinta rikutken sangkep nggeluh si erkerja e. Adi la lit, silakoken i bas kesempaten si deban pagi
USULEN LAGU :
1. KEE GBKP NO: 71:1,3
2. KEE GBKP NO: 124:2
3. KEE GBKP NO: 191:1,4
4. KEE GBKP NO: 292:1,3
TOPIK PERTOTON SYAFAAT :
1. Sikataken bujur man Dibata erkiteken ilitken Dibata sangkep nggeluhta.
2. Gelah orangtua erdiate ngajari kerna budaya man anakanakna.
3. Gelah Runggun Gereja erdiate i bas pelayanen budaya man ngawan ni perpulungen.
4. Siturah ibas perpulungen.
Pdt. Simon Tarigan, S.Th