Njaga Ras Mpekena – Kena Budaya
( Johanes 2 : 1 – 12 )
Perkawinan di Kana
2:1 Pada hari ketiga ada perkawinan di Kana yang di Galilea, dan ibu Yesus ada di situ;
2:2 Yesus dan murid-murid-Nya diundang juga ke perkawinan itu.
2:3 Ketika mereka kekurangan anggur, ibu Yesus berkata kepada-Nya: “Mereka kehabisan anggur.”
2:4 Kata Yesus kepadanya: “Mau apakah engkau dari pada-Ku, ibu? Saat-Ku belum tiba.”
2:5 Tetapi ibu Yesus berkata kepada pelayan-pelayan: “Apa yang dikatakan kepadamu, buatlah itu!”
2:6 Di situ ada enam tempayan yang disediakan untuk pembasuhan menurut adat orang Yahudi, masing-masing isinya dua tiga buyung.
2:7 Yesus berkata kepada pelayan-pelayan itu: “Isilah tempayan-tempayan itu penuh dengan air.” Dan merekapun mengisinya sampai penuh.
2:8 Lalu kata Yesus kepada mereka: “Sekarang cedoklah dan bawalah kepada pemimpin pesta.” Lalu merekapun membawanya.
2:9 Setelah pemimpin pesta itu mengecap air, yang telah menjadi anggur itu–dan ia tidak tahu dari mana datangnya, tetapi pelayan-pelayan, yang mencedok air itu, mengetahuinya–ia memanggil mempelai laki-laki,
2:10 dan berkata kepadanya: “Setiap orang menghidangkan anggur yang baik dahulu dan sesudah orang puas minum, barulah yang kurang baik; akan tetapi engkau menyimpan anggur yang baik sampai sekarang.”
2:11 Hal itu dibuat Yesus di Kana yang di Galilea, sebagai yang pertama dari tanda-tanda-Nya dan dengan itu Ia telah menyatakan kemuliaan-Nya, dan murid-murid-Nya percaya kepada-Nya.
Yesus di Kapernaum
2:12 Sesudah itu Yesus pergi ke Kapernaum, bersama-sama dengan ibu-Nya dan saudara-saudara-Nya dan murid-murid-Nya, dan mereka tinggal di situ hanya beberapa hari saja.
Kuta Kana la ndauh i Nasaret nari, emaka Jesus ras nandeNa Maria bagepe senina-seninana labo akapna ndauhsa ndahi kerja erdemu bayu e. Ikut pe ras Jesus 5 kalak ajar-ajar si mbaru ipilihNa. Pesta perjabun ibas budaya kalak Jahudi eme peristiwa si seh kal pentingna, emaka ilakoken piga-piga wari dekahna. Acara utama ilakoken berngi. (bdk. Perumpamaan 5 singuda-nguda si pentar ras 5 si lenge ).
Si la banci la lit I bas pesta kalak Jahudi eme anggur. Nina sekalak Rabbi, adi la lit anggur la lit ije keriahen. Pesta si niakap mehuli, adi anggur si I elaken e mehuli (asli) ras la kurang. Adi pesta meriah denga, janah anggur enggo keri, enggo engkurangi kinihagaan pesta e. (Adi kita kalak Karo e me pangan / nakan ras adumna). Emaka iidah Maria enggo menam keri anggur, tuhu-tuhu aru atena. Tek Maria maka ibas anakna Jesus lit dalan pulah, itandaina ise Jesus, anakna sendiri secara manusia, tapi ietehna lit gegehNa lebih asangken manusia. Janah iperintahkenna man kerina serayan gelah ngikutken kai kari si iperintahken Yesus. Emaka ilakoken Jesus tanda sengget sipemena. IsuruhNa serayan siertanggungjawab kerna anggur guna ngisi 6 guci si lit ije alu lau, lau biasa. Kenca bage isuruhNa ijaruk kalak e sitik lau si engggo ibas guci e, ibaba man sukut ibas kerja, guna iakapi / icecap. Lau biasa e enggo salih jadi anggur, tapi singakapisa la meteh janari rehna tapi serayan-serayan e metehsa. Emaka nina man si empo: “ biasana anggur si mehulina nge lebe ielaken kalak, janah kenca puas temue e minem, emaka ielaken anggur si biasa. Tapi kam seh asa genduari lit i bas kam anggur si mehulina”. Erkiteken si e pesta i kuta Kana enda tuhutuhu meriah seh asa dung, alu ngelaken anggur si la urak nanamna bagi biasana. Piga-piga hal si penting si lit ibas peristiwa pesta kuta Kana, e me kap:
Sipemena: Maria nande Jesus eme si ikut ertanggungjawab nandangi pesta e, teridah arah kearun atena si mekelek sanga anggur enggo keri. Bagepe kuga kerina serayan megiken katana sanga isuruhna ngikutken kai si isuruh Jesus. I bas catatan Gereja Koptik Mesir, si jadi pengantin sidilaki (siertanggungjawab kerna inemen anggur) e mekap anak Salome, senina Maria nande Jesus.
Sipeduaken: Maria nande Jesus enggo ngeteh maka anakna e tuhutuhu labo manusia biasa, tapi lit kuasa si rehna ibas Dibata nari. Tek pe ia maka kerina persoalen banci ibahanNa dung ras mehuli.
Sipeteluken: Salah sada tujun tanda sengget enda emekap “gelah ajar-ajar si mbaru e tek man baNa, meteh maka sindilo ia jadi ajarajar e me kalak si dem alu kuasa.
Sipeempatken: Kehadiren Jesus ibas pesta adat perjabun e tuhutuhu maba keriahen man jelma si enterem, terlebih man si erkerja. Pesta adat enda ipake Jesus encidahken KuasaNa arah tanda sengget, gelah itandai ajar-ajarNa ise situhuna Ia, bagepe arah tanda sengget e idatken simada kerja ras kerina si reh e keriahen.
Budaya e me batang belin, i ja termasuk adat istiadat ras kebiasaan nggeluh ibas sada kelompok masyarakat. Budaya e me hasil akal budi manusia. Emaka budaya e labo paku mate, tapi berkembang terus, sabab pemeteh manusia pe erkembang. Adat istiadat sebage bagin budaya pe pasti lit perkembangenna, seh kubas situasi si genduari enda. Lit batang belin adat istiadat Karo, si igelari: “Merga si lima, tutur si waluh ras rakut si telu”. Cara ngelakoken batang belin adat-istiadat enda la seri i bas teptep daerah. Singalorlau, Kabanjahe sekitar, Deli Serdang, Langkat ras sidebanna). Engkai maka banci bage? Erkiteken adat istiadat enda dinamis, berkembang sue ras kebutuhen masyarakat setempat. I ja nari reh budaya e? Arah akal budi manusia tinepa Dibata jine. Manusia isuruh Dibata erdahin ras rukur bagepe ber-kreasi, janah hasilna salah sada eme kap budaya. Alu bage, budaya e e me peraten “Dibata”. Erkiteken si e Yesus pe sanga kerja erdemu bayu i kuta Kana la ngelawan kebiasaan adat si lit ije, tapi isampatiNa alu erbahan tanda sengget e. IkuhiNa pesta e maka dem alu keriahen.
Ibas gerejanta GBKP iergai adat istiadat selaku pemere Dibata man kalak Karo, emaka gelah arah e sinursur kalak karo ngidah kuga nai nini-nina nggeluh. Bagepe arah kegiaten BP3B banci ietehna kuga maka adat istiadat Karo e erguna denga man bana. Emaka budaya Karo e arus sikembangken, janah si isi alu terang Berita Si Meriah, bali ras Tuhan Jesus makeken kesempaten erberita kerna kuasana arah pesta erdemu bayu i kuta Kana.
EVALUASI :
Uga kerna PJJ si lewat ?
DISKUSI :
1. Tuhan Jesus make pesta adat erdemu bayu i kuta Kana jadi ingan encidahken kuasaNa erbahan tanda sengget. Adi bage me banci ka nge arah adat istiadat Karo si beritaken Berita Si Meriah? Cubaken diskusiken kuga carana!
2. Piga-piga tahun si enggo lewat lit sada kelompok (Batak Toba) si enggo bengket ku gereja tertentu, erbahan gerakan anti budaya Batak Toba, ulos-ulos itutungina. Diskusiken, kai akapndu alasenna ras payo nge e? (bandingken ras bahan PJJ sendah).
AKSI :
Berkunjung ku Museum GBKP Sukamakmur ras anak-anakta.
USULEN LAGU :
1. KEE GBKP NO: 201 : 1, 2
2. KEE GBKP NO: 217 : 1- 3
3. KEE GBKP NO: 196 : 1-3
4. KEE GBKP NO: 264 : 1-3
TOPIK PERTOTON SYAFAAT :
1. Warga GBKP ngidah maka adat istiadat ras budaya enda sada bagin pemere Dibata man manusia.
2. Warga GBKP ngasup njaga ras pekena – kena budaya Karo si la petembil ras sura-sura Dibata.
3. Makeken budaya jadi ingan nehken Berita Si Meriah.
4. Si torah bas perpulungen.
Pdt. Matius Panji Barus, M.Th