Kupekena Kena RumahNdu
( Hagai 2 : 1 – 9 )
2:1 (2-2) dalam bulan yang ketujuh, pada tanggal dua puluh satu bulan itu, datanglah firman TUHAN dengan perantaraan nabi Hagai, bunyinya:
2:2 (2-3) “Katakanlah kepada Zerubabel bin Sealtiel, bupati Yehuda, dan kepada Yosua bin Yozadak, imam besar, dan kepada selebihnya dari bangsa itu, demikian:
2:3 (2-4) Masih adakah di antara kamu yang telah melihat Rumah ini dalam kemegahannya semula? Dan bagaimanakah kamu lihat keadaannya sekarang? Bukankah keadaannya di matamu seperti tidak ada artinya?
2:4 (2-5) Tetapi sekarang, kuatkanlah hatimu, hai Zerubabel, demikianlah firman TUHAN; kuatkanlah hatimu, hai Yosua bin Yozadak, imam besar; kuatkanlah hatimu, hai segala rakyat negeri, demikianlah firman TUHAN; bekerjalah, sebab Aku ini menyertai kamu, demikianlah firman TUHAN semesta alam,
2:5 (2-6) sesuai dengan janji yang telah Kuikat dengan kamu pada waktu kamu keluar dari Mesir. Dan Roh-Ku tetap tinggal di tengah-tengahmu. Janganlah takut!
2:6 (2-7) Sebab beginilah firman TUHAN semesta alam: Sedikit waktu lagi maka Aku akan menggoncangkan langit dan bumi, laut dan darat;
2:7 (2-8) Aku akan menggoncangkan segala bangsa, sehingga barang yang indah-indah kepunyaan segala bangsa datang mengalir, maka Aku akan memenuhi Rumah ini dengan kemegahan, firman TUHAN semesta alam.
2:8 (2-9) Kepunyaan-Kulah perak dan kepunyaan-Kulah emas, demikianlah firman TUHAN semesta alam.
2:9 (2-10) Adapun Rumah ini, kemegahannya yang kemudian akan melebihi kemegahannya yang semula, firman TUHAN semesta alam, dan di tempat ini Aku akan memberi damai sejahtera, demikianlah firman TUHAN semesta alam.”
Nabi Hagai erdahini i bas awal mulihna bangsa Israel i pembuangen Babil nari. Dibata erdiate nandangi pertangis bangsa Israel i pembuangen Babil, ibegikenNa pertoton bangsa enda, janah ipakeNa Raja Darius (Raja Persia) naluken Babil, jenari empelepas bangsa Israel mulih ku Jerusalem, ku negerina jine. Erkiteken pembebasen enda, enggo sepatutna bangsa enda ngataken bujur man Dibata, arah majekken mulihi Rumah Pertoton (Rumah Tuhan) i Jerusalem. Dibata kap si nuruh bangsa enda majekken Rumah Pertoton. Tema besar kitab Nabi Hagai e me majekken Rumah Pertoton mulihi, kenca Rumah Pertoton si ipajekken Raja Salomo ndube icedaken Raja Babil.
Bagi bangsa Israel ndube ibebasken i bas pembuangen Babil nari, bage me pe bangsa Indonesia enggo ibebasken i bas penjajahen Belanda ras Jepang nari. Bangsa Indonesia merdeka i bas tanggal 17 Agustus 1945, janah piga-piga wari si lewat siperingeti HUT RI pe72 ken. Kita pe patut ngataken bujur man Dibata, sebab IA nge si mereken kemerdekan enda man banta (bdk. Pembukaan UUD 1945). E maka pembangunen ras empekena-kena Rumah Pertoton enggo sepatutna iutamaken i bas pembangunen bangsa Indonesia (bdk. Sila Pertama i bas Pancasila), mengutamakan nilai-nilai Ketuhanan sebagai pengamalan Pancasila, si jadi dasar negara RI. Man banta selaku warga negara RI si erkiniteken man Dibata arah Tuhan Jesus, iarapken jadi pelaku utama i bas pembangunen entah pe pekena-kena Rumah Pertoton, si jadi ingan pembangunen moralitas bangsa.
Alu emperdiateken situasi ras kondisi bangsanta paksa enda, pesan Nabi Hagai enda tuhu-tuhu kal relevan man banta (bdk. ras program Presiden Jokowi e me Revolusi Mental). Mbiar denga nge pemimpin bangsanta enda nandangi Tuhan? Uga kehadiren gereja-gereja i bas pergumulen bangsa enda? Me erdiate denga nge kita/gereja guna mbangun Rumah Pertoton ? Lalah enggo mbiar/lanai kita mesikel ngelitken dana-dana pembangunen Rumah Pertoton? Ulih pengumpulen dana pembangunen Rumah Pertoton alu lelang-lelang secara sinodal (seGBKP) lanai memadai. E maka i bas tahun 2017 enda lanai lit Pesta Pengumpulen Dana alu acara lelang-lelang secara sinodal. Tapi igantiken alu Gerakan Rp 2.000.-/bulan, guna isehken Moderamen GBKP nandangi Pembangunen Gereja GBKP rikutken skala prioritas pembangunen gereja i bas Klasis-Klasis seGBKP. Terjeng i ja enda enggo erdalan i bas Perpulungen/Runggunta ? (bdk. Hagai 2:3).
Mawen lit kearun ateta i bas pepulung dana empekena-kena Rumah Pertoton. Enda me pe si ialami bangsa Israel kenca mulih i Pembuangen Babil nari (bdk. Hagai 2:4). Ula tumpat ukurta, Dibata kap ras kita i bas majekken ras empekena-kena Rumah Pertoton. Ikutlah kita muat bagin i bas empekena-kena Rumah Pertoton. Situhuna Rumah Pertoton e me dalan/kite pasu-pasu Dibata man banta. Erdiate i bas empekena-kena Rumah Pertoton ertina mbuka dalan gelah pasu-pasu Dibata reh man banta. Mereken persembahen guna empekena-kena Rumah Pertoton , bali ras ngambekken sen ku uruk, jenari erdelang/mulih ka man bana alu erlipat ganda. Sebalikna adi metahat kal mereken persembahen, nutup dalan pasu-pasu Dibata kap guna reh man bana. E maka berekenlah persembahen guna empekena-kena Rumah Pertoton. Mari ikut muat bagin empekena-kena Rumah Pertoton i bas Runggunta, bage pe ikut muat bagin empekena-kena Rumah Pertoton i bas kerina wilayah pelayanen GBKP arah gerakan Rp 2.000.-/bulan.
EVALUASI :
Uga nge evaluasinta kerna aksinta i bas Minggu si lewat ?
DISKUSI :
1. Kita isuruh Tuhan empekena-kena Rumah Pertoton. Uga nge pengalamenta selama enda ?
2. Kai saranta i bas PJJ nta guna empekena-kena Rumah Pertotonta ?
USULEN LAGU :
1. KEE GBKP NO : 25:1,3.
2. KEE GBKP NO : 75:1,2.
3. KEE GBKP NO : 205:1,2.
4. KEE GBKP NO : 278:1,4.
TOPIK PERTOTON SYAFAAT :
1. Ngataken bujur man Dibata, sebab enggo iberekenNa Negeri RI enda jadi tanah air inganta tading/nggeluh.
2. Gelah Tuhan petetap ukurta guna ikut muat bagin i bas empekena-kena Rumah Pertoton.
3. Tuhan mereken rejeki si simpar man banta, gelah kita banci ikut muat bagin i bas empekena-kena Rumah Pertoton.
4. Siturah ibas perpulungen.
Pdt. Simon Tarigan, S.Th