Gereja Simaba Kejuah-juahen Nandangi Perpulungen

( Lukas 4 : 16 – 19 )

4:16 Ia datang ke Nazaret tempat Ia dibesarkan, dan menurut kebiasaan-Nya pada hari Sabat Ia masuk ke rumah ibadat, lalu berdiri hendak membaca dari Alkitab.
4:17 Kepada-Nya diberikan kitab nabi Yesaya dan setelah dibuka-Nya, Ia menemukan nas, di mana ada tertulis:
4:18 “Roh Tuhan ada pada-Ku, oleh sebab Ia telah mengurapi Aku, untuk menyampaikan kabar baik kepada orang-orang miskin; dan Ia telah mengutus Aku
4:19 untuk memberitakan pembebasan kepada orang-orang tawanan, dan penglihatan bagi orang-orang buta, untuk membebaskan orang-orang yang tertindas, untuk memberitakan tahun rahmat Tuhan telah datang.”

Nina sada kuan-kuan bahasa Indonesia : “Hidup adalah tanggung jawab, asangken mati secara pengecut, jauh lebih baik berani hidup secara kesatria, maka hidup kita akan lebih bernilai”. Lit sekalak anak perana nungkun ia man guruna ibas erpagi-pagi wari, ikatakenna rebih aku ernipi itarik malekat aku ku sada ingan, tapi la aku nggit, ibas tarik menarik ndai terpedak aku. Emaka isungkunna ndigan nge aku mate, asa nge ngenca umurku, tapi nina guruna ndai labo kueteh ndigan kam mate, ise pe labo ngetehsa umur manusia, rata-rata umur manusia 70 seh 75 tahun nggeluh I doni enda, tapi lit nge la seh, deba ilewatina umur sie. Emaka nina guruna ndai, menaken kita tubuh ku doni enda, enggo lit proses kegeluhen janah setiap paksa manusia banci ngalaken kematen. Emaka nina murid enda ndai man guruna adi bage kai dage si arus ku lakoken adi kegeluhen enda seh singkatna, nina guruna ndai, isi kegeluhenndu, ula sia-siaken waktundu, lakoken tetap si mehuli bas geluhndu, tetap lakoken kegeluhen si erguna man kalak sideban . Siperpudi ikatakenna nina :” Hiduplah saat ini, tidak usah menyesali hari kemaren, kerena hari kemaren sudah berlalu, dan jangan cemas akan hari esok, kerena hari esok belum datang” Turi-turin idatas enda eme kerna uga kita ngisi kegeluhen si erguna, ermakna, ernanam man kalak sideban la terjeng man banta ngenca kegeluhenta enda erguna, tapi pe man kalak sideban. Pelayanen eme bagin kegeluhen si erguna man kalak sideban, enda me silakoken Jesus ibas bagin pemena kegeluhenNa dua setengah tahun ia ngelai, ngelakoken pengajaren, mpepalem kalak si sakit bagepe mpegegehi ajar-ajarNa gelah kenca itadingkenNa pagi, kerina sikap ngelakoken pelayanen si mehuli. Emaka jelas nge Jesus ras pengajarenNa labo terjeng ngajar saja, tapi kegeluhenNa pe erguna man kalak sideban. Iangkatken Jesus kerna kitab Jesaya eme kerna nubuat siitulisken ibas Injil Lukas, maka nina : “Kesah Tuhan lit ibabongKu, sabab enggo ipilihNa aku guna meritaken Berita Si meriah man kalak Musil, isuruhNa aku erberita man kalak si tertaban maka ipulahiNa me ia, janah kalak pentang erpengidah me, kalak si itindas ipulahi me, janah mpebetehken masana Tuhan mulahi bangsaNa” Jesus ngogeken nats enda sebage penggenapen Nubuat kerna Jesus uga arusna pembebasen arah Berita Si Meriah man kalak si musil ras tertaban.

Selaku Gereja dahinta lanai terjeng dahin erberita arah mimbar ngenca, tapi pe secara ‘holistik’ menyeluruh, engkenai kerina dampar kegeluhen subuk secara jasmani ras rohani. Pelayanen ilakoken, man kerina jelma si medanggel, musil ras la lit ibas ia. Emaka gereja la saja ngerana kerna Kata Dibata tapi nggeluh I bas Kata Dibata eme mperdiateken kesejahteran perpulungenna alu cara ngelitken CU (Credit Union) ras CUM (Credit Union Modification). Ibas bidang pengembangan ekonomi, ngembangken talenta perpulungen arah usaha kecil, ilakoken pelatihan pertanian, peternaken, usaha-usaha rumahan gelah nambahi perbeliten jabu. Ngelitken pelatihen-pelatihen cara erbahan kue si banci idayaken, kursus menjahit ras membatik, sienda kerina ikembangken guna ncukupi keperlun perpulungen. Bank Perkreditan Rakyat Pijer Podi Kekelengen pe enggo nampati ibas minjamken duit alu bunga si kitik, labo ngerugiken masyarakat si rusaha ekonomi menengah ke bawah. Gereja ndampingi kalak si mbelin perbebenna i tengah jabu alu pendampingen Pastoral, mbebasken kalak si irimrim kuasa kegelapen alu notokensa ras pang nuriangi perbahanen si la mehuli silakoken ibas kegeluhenna. Enda me dahin gereja selaku “ wakil “ Tuhan I bas doni enda mereken serpang pulah arah erBerita si Meriah si jadi sira ras terang man kerina kalak si medanggel ras mesera baban geluhna si perlu isampati ras mbebaskensa. Lit nanam gereja man kalak si tek ras lit nanam kegeluhenta eme buah kinitekenta man kalak sideban I sekelewetta. ” Iman milik Pribadi, tapi buah Iman itu adalah milik orang lain” jadi ernanamlah kegeluhenta man kalak si deban, arah kita ngerana malem ate kalak megisa, tambah umurna ibas megiken kita ngerana, arah perbahanenta ermulia gelar Tuhan erkiteken situduhken perbahanen si ngena ate Dibata ibas kegeluhenta. Arah perukurenta pe tetap siukurken si mehuli emaka silakoken pe simehuli ka. Alu bage tuhu-tuhu kegeluhenta eme tanggung jawabta man Tuhan simada kegeluhenta

EVALUASI :
Uga kerna aksi ibas PJJnta si lewat ?

DISKUSI :
1. Menurutndu, secara umum, enggo nge gereja maba kejuahjuahen nandangi ngawan ni perpulungen, adi enggo ibas kai saja, adi lenga turikenlah!
2. Ibas kai nari nge akapndu si perlu silakoken gelah reh teremna reh perpulungen e ku gereja ras perpulungen jabujabu ? cubaken diskusiken!

AKSI :
Lakokenlah aksinta nampati temanta, anak melumang, keluarga, ibas lingkungenta, entah ibas PJJnta si perlu man sampaten alu mpepulung segantang beras.

USULEN LAGU :
1. KEE No : 286 : 1-3
2. KEE No : 302 : 1-2
3. KEE No : 368 : 1-2
4. KEE No : 416 : 1-2

TOPIK DOA SYAFAAT :
1. Kemerdekaan RI Ke 72 tahun, pemerintah pusat seh ku daerah gelah malang man Tuhan ibas ndahiken dahinna.
2. Kalak si melumang, musil, si ndatken musibah gelah megegeh ibas ngalaken kegeluhen enda.
3. Siturah ibas perpulungen.

Pdt. Natalidna Br Tarigan, M.Th