Siajar – Ajaren Radu Pentar
( Masmur 78 : 1 – 8 )
78:1 Nyanyian pengajaran Asaf. Pasanglah telinga untuk pengajaranku, hai bangsaku, sendengkanlah telingamu kepada ucapan mulutku.
78:2 Aku mau membuka mulut mengatakan amsal, aku mau mengucapkan teka-teki dari zaman purbakala.
78:3 Yang telah kami dengar dan kami ketahui, dan yang diceritakan kepada kami oleh nenek moyang kami,
78:4 kami tidak hendak sembunyikan kepada anak-anak mereka, tetapi kami akan ceritakan kepada angkatan yang kemudian puji-pujian kepada TUHAN dan kekuatan-Nya dan perbuatan-perbuatan ajaib yang telah dilakukan-Nya.
78:5 Telah ditetapkan-Nya peringatan di Yakub dan hukum Taurat diberi-Nya di Israel; nenek moyang kita diperintahkan-Nya untuk memperkenalkannya kepada anak-anak mereka,
78:6 supaya dikenal oleh angkatan yang kemudian, supaya anak-anak, yang akan lahir kelak, bangun dan menceritakannya kepada anak-anak mereka,
78:7 supaya mereka menaruh kepercayaan kepada Allah dan tidak melupakan perbuatan-perbuatan Allah, tetapi memegang perintah-perintah-Nya;
78:8 dan jangan seperti nenek moyang mereka, angkatan pendurhaka dan pemberontak, angkatan yang tidak tetap hatinya dan tidak setia jiwanya kepada Allah.
Lit ungkapen nina “gundari doni enda lanai kibul”, tapi enggo lurus, sabab kai si jadi genduari i Eropah, minter kel si eteh lanai man timan sada wari tapi detik e jadi ijah, minter si eteh ibas kutata enda. Arah kai si jadi enda maka tetap nge terjadi perubahen arah teknologi ras perkembangen jamanta. Adi 10 tahun si enggo lewat handphone merupaken barang si mewah, tapi genduari jadi sada kebutuhen si la banci la lit, emaka anak kitik pe enggo meteh handphone, androit, tablet ras kerina Gadget si canggih, ietehna ergame, uga carana ndownloadsa, pemeteh reh tambahna, teknologi reh canggihna, emaka kitape kerina perlu erlajar ras siajar-ajaren. Makeken pemeteh si lit enda, perlukel kita makekensa alu pentar, bijaksana, gelah pemetehta e tetap erguna ras erkembang la saja man banta tapi pe man kalak sideban. Komunikasi pe reh surutna, enggo kurangkel ibas jabu-jabunta erkiteken kesibuken masing-masing ras banci saja ibas jabu e pe ngerana lanai bo arah babah tapi arah handphone, SMS , BBM, WhatShap. Bagepe adi kita erbelanja ku mall, la pe kita ngerana sengkebabah pe banci si baba mulih ku rumahta barang-barangna si perluken kita, cukup alu nggesek ATM saja ngenca. Enda me kinata ibas kegeluhenta, ngidah perkembangen jamanta si genduari enda. Emaka tetaplah kita erlajar ras siajar-ajaren makeken kerina pemere Dibata ibas kegeluhenta. Rikutken kelender gerejanta minggu enda eme minggu pendidiken, ija Dibata ersura-sura gelah anak-anakNa pentar erkiteken ndatken pendidiken si payo, subuk pendidiken si formal ras informal, erkiteken arah pendidiken e kita ngukuri ras ndalanken kegeluhen alu mehuli.
Masmur 78 eme Masmur sejarah, salah sada kitab hikmat si ngerana kerna pengalamen pengalamen nggeluh situlisken alu bentuk puisi ras pepatah. Ibas Masmur enda eme sada undangen gelah megiken pengajaren gelah lit turah motifasi nggeluh, erkiteken itekina maka kai si itulisken ibas ayat enda eme ketetapen Tuhan janah ipetandaken tetap man anak-anakna (kesusurenna) seh maka anak-anakna e la jadi kalak si mberontak bagi nini-ninina nai. Kitab Masmur enda la terjeng pengajaren si ngajarken tapi tujunna eme nuriken kuasa ras kemulian Dibata si la terukuri akal pikiren manusia. Emaka ula ngadi iajarken terus menerus man anak kempu kerna kai si enggo ialoken nini-ninina nai, turikenlah terus menerus, nuriken ras mpetandaken Tuhan man anak-anakna ras kempu seh ku empat generasi sinursurna. Kerina si enggo jadi ras siidahna ituriken alu tujun eme : sipemena gelah ula lupa dingen tek ia kerna kuasa ras kemulian Dibata, janah ipakeken pemeteh ras penandaina kerna Dibata e salu pentar. Sipeduaken gelah la ilupaken perbahen Dibata ibas geluhna, sipeteluken ilakoken perentah Tuhan segedang geluhna. Teluna tujun enda hubungenna eme gelah generasi sireh enda lanai ngelakoken bagi sinilakoken nini-ninina nai eme mberontak man Tuhan Dibata.
Siajar-ajarenlah gelah radu pentar, nggit erlajar arah kerina dampar kegeluhen, arah sekelewet ras arah kalak sideban. Ula kita meganjang rukur ibas pemeteh, kinibayaken si lit ibas kita, sabab si e kerina labo serta, uga pe hebatna manusia tetap lebih hebat Tuhan, “di atas langit ada langit”, uga pe beluhna jelma tetap lit denga ka nge terhebaten asangken ia, uga pe bayakna jelma tetap nge lit ka terbayaken asangken ia. Alu bage arah kai siidat kita kata Dibata enda, tetaplah meteruk rukur, pakekenlah pemetehta alu malang man Tuhan, ula siakap kita lalap si beluhna seh maka kita jadi kalak si meganjang rukur. Tapi arah pemeteh si enggo sidat mereken kemalemen ate man kalak sideban, pemetehta e mabai kita guna siajar-ajaren sada ras sidebanna. Tentu ibas perbedan si lit ibas pemeteh, kiniliten ras pendahinta e, ije me kita reh bayakna adi sipakeken guna kemulian Tuhan alu sada palas eme kekelengen.
EVALUASI :
Enggo me reh mehamatna kita mereken persembahen ?
DISKUSI :
1 Uga nge siban carana gelah arah pemeteh si lit ibas kita e nambahi kemalemen ate man kalak sideban?
2 Kai nge bedana pintar ras pentar ? Diskusikenlah!
AKSI :
Litkenlah kelas guna bimbingen, pakeken tenaga guna bas Runggun kutata jadi tenaga pengajar iaturken Runggun min pelaksanaan belajar man anak-anakta.
USULEN LAGU :
1 KEE NO : 273:1-3
2 KEE No : 272 : 1-2
3 KEE No : 276; 1-2
4 KEE NO 249 : 1-2
TOPIK PERTOTON SYAFAAT :
1 Kerina guru sekolah SD, SMP ras SMA si ngajar gelah malang man Tuhan.
2 Kerina guru sekolah Minggu gelah ula meros ibas ngajari anak sekolah Minggu.
3 Siturah ibas perpulungen.
Pdt. Natalidna Br Tarigan, M.Th