Teologi Persembahen
( II Raja-Raja 12 : 4 – 5 )
12:4 Berkatalah Yoas kepada para imam: “Segala uang yang dibawa ke dalam rumah TUHAN sebagai persembahan kudus, yakni uang masuk untuk pencatatan jiwa, uang tebusan jiwa menurut penilaian yang berlaku untuk seseorang, dan segala uang yang dibawa ke dalam rumah TUHAN karena dorongan hati seseorang,
12:5 baiklah para imam sendiri menerimanya, masing-masing dari kenalannya, dan memakainya untuk memperbaiki yang rusak pada rumah itu, di mana saja terdapat kerusakan.”
Dibata me si njadiken langit ras doni. Kerina si iperluken manusia guna keperlun geluhta enggo sikapkenNa. Kenca manusia ndabuh ku bas dosa, Dibata arah Jesus Kristus ngkorbanken diriNa lako nebusi dosa-dosanta. Pemeliharan Dibata man kita manusia berlangsung terus menerus. Labo kita itadingkenNa si sada ibas kita ndalani wari-warinta. Erdandanken si e, patut kal kita ngataken bujur man Dibata arah kerina aspek kegeluhenta. Pengataken bujurta si sehken man Dibata ibas pusuhta si mbagesna nari kal. Lit pengakunnta si jujur ras bersih maka Dibata kap si pekena-kena geluhta nai-nai nari seh kedungen doni enda. Salah sada bentuk pengataken bujurta man Dibata e me arah persembahen.
Persembahen si ipepulung labo sebatas pepulung ”duit”, tapi pepulung pengakun ras pengataken bujurta man Dibata kerna penggejapennta si mbages nari maka kerina si lit ibas kita rehna ibas Dibata nari kap. Dibata kap si mereken pendahinta, si nepa jumanta ras masu-masu perturah si nuan-sinuanta; Dibata si masumasu asuh-asuhenta; Dibata si masu-masu pendahin kalak sideban seh maka banci ia reh ku toko/inganta erbinaga; Dibata si masumasu pencarin temannta seh maka tergalarina ongkosna tupung ia jadi penumpang ibas angkotta; Dibata si masu-masu pendahinta emaka terdahi kita kerja-kerja; Dibata mereken kesehaten man banta emaka terdahiken kita erbage-bage pendahinta; ras sidebanna. Penggejapen si bagenda rupana me si igelari Teologi Persembahen.
Adi enggo payo penggejapenta kerna ise Dibata ras uga belinna peran Dibata ibas ngaturken geluhta, tentu caranta nehken persembahen ras belinna persembahennta pe oratna reh ulina. Adi isuruh kita rukur, ibas kita mpehaga Tuhan si ngkawali geluhta, apai nge akapndu si payona, mereken persembahen man Tuhan erga Rp.2.000 entah Rp.5.000 ntah lebih? Penandaita kerna ise Dibata ibas geluhta mbelin kal mpengaruhi belin-kitikna persembahenta. Adi buen denga kin mata uang terkecil jadi kolekteta (persembahennta), berarti perlu denga kita melala erlajar kerna Teologi Persembahen.
Adi kalak Jahudi, igejapkenna maka Dibata “hadir” itengah-tengah kegeluhenna teptep wari. Tuhan tading ibas Rumah Pertoton. E maka isehkenna me persembahenna man Tuhan alu rutin desken sekalak juak – juak mereken upeti man tuanna. Kalak Jahudi nganggap dirina hamba ngenca, janah Dibata jadi tuanna. Belin kitikna persembahenna tergantung ku bas gegeh si lit. Labo bali beligan persembahen si la lit buatenna ras si lit buatenna. Persembahen ibereken man Dibata erdandanken : (1). Ngakui kesalahen ras mindo pengalemi dosa (Imamat 4:1-6:7, 6:24-30) ; (2). Sebage “tanda bakti” man Tuhan, ngataken bujur ras nehi nazarna (janjina) (Imamat 1-3, 6:8-23, 7:11-34). Igejapken kalak Israel maka Dibata berdahin ibas sejarah kegeluhenna ras terlibat ibas kegeluhen kerina umat Israel. Kesetianna ersembah man Dibata, teridah ibas ia nehken persembahen man Tuhan. Janah bentuk-bentuk persembahen si ituntut hukum Taurat e me arah : asuh-asuhen, ulih juma, barang-barang berharga, dupa ras sidebanna. Kerina persembahen enda dalam rangka pemeliharan Rumah Pertoton, ncukupi kebutuhen para imam ras kalak Lewi.
Ibas bahan PJJ-ta si idah uga Raja Joas si “kidekah geluhna idalankenna si ngena ate Tuhan, erkiteken imam Joyada ngajari ia”(ayat 2), nehken perentah man imam-imam gelah “nimpan duit si igalarken kalak asum ia erbahan persembahen i bas Rumah Pertoton, e me kap adangen si igalari kalak guna persembahen si wajib ras duit pemere arah ukur meriah” (ayat 4). Jadi si idah lit dua bentuk persembahen kalak Israel e me sifatna wajib ras ukur meriah. Janah Imam ertanggungjawab guna mpepulung ras ngelola persembahen si terpepulung janah ipergunaken guna pehuli Rumah Pertoton asa perluna (ayat 5). Alu kata sideban, guna pekena-kena Rumah Pertoton biayana reh arah persembahen wajib ras ukur meriah jelma si enterem nari si ikelola alu ertanggungjawab.
Sue ras Keputusen Sidang Sinode tahun 2015, enggo iputusken maka persentase storting Runggun arah Klasis ku Moderamen GBKP e mekap 40% setor ku Moderamen ras 60% tading ibas Runggun. Si 40% enda me igunaken ngelitken program i Moderamen ras Klasis bage pe biaya gaji personalia (Pandita ras Pegawai). Sementara 60% guna program ibas Runggun ras sektor. Tentu si 60% enda iaturken sue ras lit Perminggun ras Perpulungen (gelgel igelari Bajem= Bakal Jemaat). Adi la lit Perminggun ras Perpulungenna, pembagin persembahen antara Runggun ras Sektor saja. Banci si nen tabel arah teruh enda:
| No | Bentuk Sumber Dana | PJJ | Per Minggun |
Perpulu Ngen | Runggun | Kategorial | K L A S I S |
MO DE RA ME N |
||
| Lit Per Mingg un | Lit Perp (Bajem) | La lit PermiNggun | ||||||||
| / Perp. (Bajem) | ||||||||||
| 1 | Kebaktian* | 0% | 40% | 40% | 20% | 20% | 60% | 0% | 0% | 40% |
| 2 | Persepuluhen | 10 | 30% | 30% | 20% | 20% | 50% | 0% | 0% | 40% |
| % | ||||||||||
| 3 | Pekan-Pekan | 20 | 20% | 20% | 20% | 20% | 40% | 0% | 0% | 40% |
| % | ||||||||||
| 4 | PJJ/Kol Diakonia | 40 | 30% | 30% | 10% | 10% | 40% | 0% | 0% | 20% |
| % | ||||||||||
| 5 | PA Kategorial | 0% | 10% | 10% | 0% | 0% | 10% | 90% | 0% | 0% |
| 6 | KA-KR | 0 | 70 | 70 | 0 | 0 | 70 | 0 | 20 | 10 |
| 7 | Kol. Natal | – | – | – | – | – | – | – | – | 100% |
| 8 | Ucapan Syukur | Berda sarkan ke putusan Sidang Runggun jika ad a yang ke Moderamen | ||||||||
| Jemaat | ||||||||||
| 9 | Keuntungan | Untuk Klasis, persentasenya ditetapkan di SKMS atau SMS | ||||||||
| Badan | ||||||||||
| Usaha | ||||||||||
| 10 | Sumbangan dari | Berdasarkan Proposal | ||||||||
| D/L Negeri | ||||||||||
| 11 | Iuran Dana Askes | – | – | – | – | – | – | – | — | Berdasarkan Aturan Yang Berlaku |
| 12 | Iuran Dana | – | – | – | – | – | – | – | – | 6% |
| Pensiun | ||||||||||
| 13 | Dana titipan | – | – | – | – | – | – | – | – | 100% |
| 14 | Jasa Bank | Jika ada Rekening | ||||||||
| 15 | Saldo | Sisa dana kepanitiaan menjadi Sumber Kas Pemberi Surat Keputusan (SK) | ||||||||
| Kepanitiaan | ||||||||||
Catatan:
- Sumber Tata Gereja GBKP 2015-2025, Tata Laksana Pasal 42, Pasal 178 – 184; ras Bahan Pembinaan Penataan Keuangan dan Harta Benda GBKP man BPMR Se- Klasis Pematang Siantar, 16-17 Oktober 2015, i Siantar Hotel Parapat, si ibabai Dk. Kristiani br Ginting, Kabid Dana dan Usaha Moderamen.
- Kebaktin GBKP e me: Kerina Kebaktin GBKP, Kerja Rani, Jumat Si Mbelin, Paskah, Pentakosta, Sakramen, Pentahbisen, Pemasu-masun, dll yang diatur GBKP.
Janah Sistem penataan keuangen GBKP e me Sentralistik, berpusat ibas Moderamen GBKP. Ija tiap Bendahara Runggun nyetor ku Klasis, janah Klasis pepulung setoren Runggun-Runggun guna isetorken ka ku Moderamen. Moderamen me dungna ngaturken keuangen GBKP apai Klasis si man sampaten dari segi keuangenna. Jadi, lit subsidi silang. E maka di kune lit lebih keuangen (pendapaten arah kebaktin-kebaktin) ibas Runggunnta/Klasista, em jadi kesempatenta nampati Runggun/Klasis si deban. Kerina perdalanen keuangen GBKP ilaporken alu jelas, transparan ras berkala sue ras tingkatenna arah Sidang Majelis Runggun (tiap bulan), Sidang Majelis Klasis (2 kali setahun), Sidang Kerja Majelis Sinode (Tiap tahun) ras Sidang Majelis Sinode 1 kali dalam 5 tahun). Imam siertanggungjawab ngelola perdalinen keuangen nina bahan PJJ-ta, bage me pe ibas GBKP maka Pandita, Pertua, Diaken, Bendahara Moderamen, Bendahara Klasis, Bendahara Runggun, Bendahara Kategorial, Bendahara PJJ, Bendahara Unit, Tim Verifikasi kerina erdahin alu tutus ras ertanggungjawab man Tuhan ras GBKP enda seh maka mehuli kerina perdalinen keuangen gerejanta. E maka ula kita biarbiaren nehken persembahennta man Tuhan arah gerejanta GBKP enda. Adi enggo si persembahken man Tuhan arah gereja, tek kita maka kerina seh ku posna (alamatna) masing-masing.
Guna pekena-kena GBKP enda, labo mungkin si pindo penampat ku gereja tetangganta guna pekena-kena gerejanta. Kita kerina Serayan Tuhan radu ras perpulungen, mari si ras-rasken me ngkelengi, njagai, ras ndukung keuangen gerejanta GBKP. Megegeh ras la megegeh GBKP enda, itentuken arah dukungen pertoton ras persembahennta kerina Serayan Tuhan ras ngawan ni perpulungen GBKP. Ibas kurang lebihna gerejanta, em dalinta ras-ras si ajarajaren janah muat bagin kita kerina mpekena si man pekenan. Alu bage terpuji Dibata arah ukurta mehuli, kiniersadanta, ras ibas kita nehken tanggungjawabta ibas ndalanken Persembahen si Teologis ertina persembahen si mpehaga, ngergaken Dibata si turah ibas pusuhta si ngakui kedaulatan Tuhan erdahin ibas sejarah perdalanen geluhta.
EVALUASI :
Lit nge temanta siiah-iahken ibas sada Minggu silewat?
DISKUSI :
- Kai si ipahamindu kerna persembahen sedekah enda?
- Turiken dage kai nge si njemba belin-kitikna si sehken persembahenta man Tuhan sedekah enda? Uga dage gundari ras seterusna?
- Tupung meriah, ras menahang ka ukurndu nehken persembahen man Tuhan, janah lebihindu ka beliganna kasa biasana, kai kira-kira ulihna si igejapkenndu?
AKSI :
Tambahi dage kasa biasana beligan persembahenndu, janah gejapgejapken dage kai ulihna. Janah adi enggo igejapkenndu uga cara Dibata ersimulih man bandu turiken pe man tema-temanndu sada perpulungen.
USULEN LAGU :
- KEE GBKP NO : 3:1-5
- KEE GBKP NO : 302:1-3
- KEE GBKP NO : 315:1-5
- KEE GBKP NO : 334:1-2
TOPIK PERTOTON SYAFAAT :
- Pendahin ngawan perpulungen.
- Pang mere erpalasken kiniteken.
- Runggun ras Klasis si kote ibas dana anggaren.
- Siturah ibas perpulungen.
Pdt. Jekson Barus, M.Th