Erlajar Arah Perberita Simeriah
( Perbahanen Rasul-Rasul 14 : 8 – 20 )
14:8 Di Listra ada seorang yang duduk saja, karena lemah kakinya dan lumpuh sejak ia dilahirkan dan belum pernah dapat berjalan.
14:9 Ia duduk mendengarkan, ketika Paulus berbicara. Dan Paulus menatap dia dan melihat, bahwa ia beriman dan dapat disembuhkan.
14:10 Lalu kata Paulus dengan suara nyaring: “Berdirilah tegak di atas kakimu!” Dan orang itu melonjak berdiri, lalu berjalan kian ke mari.
14:11 Ketika orang banyak melihat apa yang telah diperbuat Paulus, mereka itu berseru dalam bahasa Likaonia: “Dewa-dewa telah turun ke tengah-tengah kita dalam rupa manusia.”
14:12 Barnabas mereka sebut Zeus dan Paulus mereka sebut Hermes, karena ia yang berbicara.
14:13 Maka datanglah imam dewa Zeus, yang kuilnya terletak di luar kota, membawa lembu-lembu jantan dan karangan-karangan bunga ke pintu gerbang kota untuk mempersembahkan korban bersama-sama dengan orang banyak kepada rasul-rasul itu.
14:14 Mendengar itu Barnabas dan Paulus mengoyakkan pakaian mereka, lalu terjun ke tengah-tengah orang banyak itu sambil berseru:
14:15 “Hai kamu sekalian, mengapa kamu berbuat demikian? Kami ini adalah manusia biasa sama seperti kamu. Kami ada di sini untuk memberitakan Injil kepada kamu, supaya kamu meninggalkan perbuatan sia-sia ini dan berbalik kepada Allah yang hidup, yang telah menjadikan langit dan bumi, laut dan segala isinya.
14:16 Dalam zaman yang lampau Allah membiarkan semua bangsa menuruti jalannya masing-masing,
14:17 namun Ia bukan tidak menyatakan diri-Nya dengan berbagai-bagai kebajikan, yaitu dengan menurunkan hujan dari langit dan dengan memberikan musim-musim subur bagi kamu. Ia memuaskan hatimu dengan makanan dan kegembiraan.”
14:18 Walaupun rasul-rasul itu berkata demikian, namun hampir-hampir tidak dapat mereka mencegah orang banyak mempersembahkan korban kepada mereka.
14:19 Tetapi datanglah orang-orang Yahudi dari Antiokhia dan Ikonium dan mereka membujuk orang banyak itu memihak mereka. Lalu mereka melempari Paulus dengan batu dan menyeretnya ke luar kota, karena mereka menyangka, bahwa ia telah mati.
14:20 Akan tetapi ketika murid-murid itu berdiri mengelilingi dia, bangkitlah ia lalu masuk ke dalam kota. Keesokan harinya berangkatlah ia bersama-sama dengan Barnabas ke Derbe.
Sada si mehuli kal dikune lit keriahen dingen kininggiten ibas kegeluhenta lako nehken Berita Si Meriah. Sie silakoken erkiteken kita eme bangsa pilihen, imam-imam Raja, bangsa sikerajangen Dibata, anak-anak Dibata si ipilih guna meritaken perbahanen-perbahanen Dibata si mbelin. Arah Berita si Meriah si iberitaken e iarapken maka kerina kedungenna nggit ndarat i bas si gelap nari janah benget ku bas terangNa si lanai kal langlang ulina. Kinitekenta man Tuhan Dibata e mpengasup kita guna nggeluh alu payo itengah-tengah kerina bekas tinepaNa. Dikune sope kita jadi kalak si erkiniteken kita nggeluh labo bagi anak-anak Dibata, tapi iarapken pe kenca kita ngaloken Berita Si Meriah dingen nggeluh selaku sikerajangen Tuhan Dubata maka kita nggeluh selaku anakanakNa. Kedungenna, perkuah ate Dibata tetap si gejapken lit ibas kegeluhennta seh asa genduari (bdk 1 Petrus 2:9-10). Enda me ketedehen ateta selaku anak-anak Dibata. Berita e si sehken tentuna arah pengerana (“pola ucap”), perukuren (“pola piker”) ras perbahanennta (“pola laku”).
Kecibal si bage enggo ituduhken Paulus ras Barnabas ibas kegeluhenna. Rikutken bahan ogen PJJ nta enggo ituriken maka Paulus ras Barnabas nggit makeken dirina guna meritaken Berita si Meriah e man kerina jelma. Paulus ras Barnabas berkat i kuta Ikoni nari lako nehken Berita Si Meriah ku kuta Listera, eme kuta ingan kalak si nembah Dewa Zeus ras Dewa Hermes. Sura-surana lako mabai kalak si tading ije guna “menyadari” kelepakenna. La terjeng sie saja, tapi pe Paulus ras Barnabas ipake Tuhan guna mpepalen sekalak dilaki si la megegeh nahena si lit ije.
Paulus ras Barnabas si enggo ngelakoken si mehuli ibas paksa sie ndatken pujin ibas kalak Listera nari, ikatakenna pe maka Paulus ras Barnabas eme “Dewa-dewa enggo nusur ku tengahtengahta bagi rupa manusia”. Paulus ikatakenna sebage Dewa Hermes. Hermes eme roh ( kesah) si ngiani batu si enggo ipegungun (“ditumpukkan”). Hermes dianggap pembimbing yang hidup dan yang mati, pelindung para penyamun, dan pembantu serta juru bicara Dewa Zeus. Janah Barnabas ikataken sebagai Dewa Zeus eme dewa Junani si menguasai langit. Situhuna, cedak kal pusuh Paulus ras Barnabas ngaloken sie, emaka iobahkenna atena cara rukur kalak Listera enda bage pe la ia nggit ngaloken persembahen siibereken kalak Listera e. Iajuk Paulus ras Barnabas maka kerina kalak Listera e tek man Dibata si nggeluh si njadiken langit, doni, lawit ras kerina isina. Dibata e ka nge situhuna si erkuasa lako mereken udan i langit nari ras erbahanca mbuah page. Labo Dewa Zeus si erbahanca sie kerina. Lit si tek nandangi kata Paulus ras Barnabas tapi lit ka si la tek. Paulus ras Barnabas kedungenna ibenteri alu batu janah isaren ku darat kuta tapi kalak si enggo tek arah pengajaren Paulus ras Barnabas e nelamatkenca.
Di kune enggo si pepayo pengalamen nggeluh Paulus ras Barnabas enda, tentuna sie jadi pembelajaren si mehuli kal man banta ibas kita ndahiken pendahin guna meritaken Berita Si Meriah e. Erlajar kita arah Per Berita Si Meriah e kerna piga-piga hal, eme :
1) Keriahen ukurna ibas meritaken Berita Si Meriah, gia pe ietehna tantangen si nandangi ialokenna (bdk Perbahanen Rasul – Rasul 14:5-7).
2) Mperdiateken kalak si megiken Berita si Meriah (bdk. dilaki si la megegeh nahena).
3) La ngaloken kai saja pe si labo kin jadi sikerajangen per Berita si Meriah e (bdk persembahen si itulak Paulus ras Barnabas).
4) Nehken berita kebenaren kerna Dibata e
5) Megenggeng ibas ngalaken kiniseran ulih er Berita Si Meriah. Kerina enda ngingetken kita kerna kai siinanami kekelengenta si enggo ipakeken Tuhan lako nehken Berita si Meriah man banta menaken kin ibas tanggal 18 April 1890. Enggo 127 tahun seh Berita si Meriah man banta kalak Karo, janah genduari perlu si renungken kerna ulih ibas Berita Si Meriah si enggo si aloken e.
Lit denga kin semangat dingen keriahen ibas kita nehken Berita Si Meriah e ? Ntah kimaun, nukah kal kita surut ibas litna tantangen pelayanennta. Ntah kimaun lanai ateta tutus ibas ndahiken pendahin selaku suruh-suruhen Tuhan. Ntah kimaun pe enggo erperkiran (hitung-hitungan) kita ibas ndahiken pendahinta selaku suruh-suruhen Tuhan e padahal sie merupaken perentah Tuhan man banta (bdk Matius 28:18-20). Bagepe, mehuli kal dikune lit sibahan rusur evaluasi ibas kita ndalanken dahin meritaken Berita si Meriah e. Meriah nge ukurta kerina ngawan ni perpulungen dikune ilibatken Runggun Gereja ibas dahin e subuk secara materil (dana) ras moril (daya) ?
• Sendalanen ras penekanen pelayanennta tahun 2017 enda eme “Meningkatkan kemampuan warga GBKP dalam kehidupan berteologi dan menumbuhkan motivasi belajar secara mandiri (self learning)” tentuna sie banci jadi adi kita kerina nggeluh ibas Berita si Meriah si enggo iberitaken man banta bage pe sini iberitaken kita man kalak si deban. Janah, nggit kita erlajar secara mandiri (self learning) arah kegeluhen kinitekennta guna ndalanken si ngena ate Tuhan. Mehuli erlajar kita arah kalak si deban (misalna, Paulus ras Barnabas), tapi kita jine lebe erlajar ije nari erkiteken persuruhen ukur ras kinitekenta.
EVALUASI :
Uga kerna aksi ibas PJJ nta Minggu si lewat ? Litnge kita erbahan aksi Paskah jabu tah sektorta ?
DISKUSI :
1. Paulus ras Barnabas nggit makeken dirina guna meritaken Berita Si Meriah e man kerina jelma. Nggit nge kam makeken dirindu guna meritaken Berita Si Meriah rikutken si enggo iaturken gerejanta ? Turiken keriahen ukurndu ibas ngayuken pendilo Tuhan e !
2. Adi benana Paulus ras Barnabas ngaloken pujin ibas ulihna er Berita Si Meriah tapi kedungenna ibenteri. Kuga nge si mehulina iakapndu perbahanennta adi lit kalak si la senang ibas kita nehken Berita Si Meriah e ?
3. Piga-piga ingan enggo ibahan kerjasama antar Runggun bage pe antar Klasis lako ndahiken pendahin Berita Si Meriah. Kai nge si banci ilakoken PJJ nta guna nehken Berita Si Meriah ku ingan si debanna ?
AKSI :
Ngataken bujur man kekelengenta si enggo ipakeken Tuhan tangtangna nehken Berita Si Meriah ku Runggunta ras serayan Tuhan gundari.
USULEN LAGU :
1. KEE GBKP NO : 68 : 1
2. KEE GBKP NO : 257 : 1, 5
3. KEE GBKP NO : 234 : 1 – 5
4. KEE GBKP NO : 357 : 1 (Si endeken 3 kali )
TOPIK PERTOTON SYAFAAT :
1) Anak ntah pe kempu arah kerina kekelengenta si nai enggo ipake Tuhan ibas nehken Berita Si Meriah man banta.
2) Kerina perpulungen ras serayan Tuhan si genduari ndahiken pendahin PI.
3) Daerah kerjasama PI.
4) Siturah ibas perpulungen.
Pdt. Agustinus Ginting Manik, M.Th